[مسيو وليد عسكر]

اختي الكريمة
اولا: كل عام وانتي بخير وعيد سعيد عليكي
ثانيا:انا لم اعمم حكمي عليهم لاني مدرك تماما ان كل شعب فيه الصالح والطالح
ولكن000
كلامي كله علي الجزائر كحكومة وكنظام سياسي بارك في ذبح المصريين في ام درمان من خلال عصابا مسلحة رسمية ذهبت للانتقام من المصريين 00
اظن انك علي يقين من ان من ذهب الي ام درمان هم بلطجية وارباب سجون وكوماندوز من جيش الجزائر ولو محتاجة دلائل علي ده موجود وممكن تلاقي في اليوتيوب
والسؤال المطروح الان :
من سمح لهؤلاء بالذهاب؟
هل هو المواطن الجزائري العادي ؟
طبعا لا000
الاجابة محسومة 000 ذهابهم كان عمل اجرامي حقير مدبر من قبل حكومتهم00
ولذا فنحن الان لا نتحدث عن قلة او حالة فردية كما يزعم البعض
نتحدث الان عن عن الاساءة في حق مصر من قبل النظام الجزائري كله 000
دي كده مقدمة لكلامي علشان هنبني عليها حكم في النهاية وخلينا مع بعض واحدة واحدة 00
انا لما ابني الصغير يضرب ابن عمه 000بنقول عيال وبتلعب وبنصالحهم
ولكن لما ابني يضرب ابن عمه بغدر وخسة واكون انا يا كبير متواطيء في الجريمة لاني منحته السكين أو السلاح
مظنش أن اخويا يسكت علي حق ابنه ويقولي الله يسامحك يأخويا؟؟؟
ياريت تردي رد منطقي مقنع 000
نقطة تانية000هو ليه دايما مطلوب مننا ناخد علي قفانا ونسامح ؟
ليه دايما نتحمل اكتر من طاقتنا ونجي علي حق ولادنا ؟
ليه دايما بتقولو الشقيقة الكبري وعلينا ان نتحمل ودورنا الريادي والكلام اللي جايبنا لورا ده ؟
طب ماحنا اخدتنا الشهامة في لقاء عنابة الاول واتبهدلت بعثتنا هناك واتسممت وطنشنا وقلنا اخوات وعروبة وعفا الله عما سلف والكلام الجميل بتاعك ده000ووقتها محدش اتكلم ولم نتقدم بشكوي للفيفا وقلنا يمكن خطا اداري غير مقصود وقلنا سماح ياهل السماح
وكانت ايه النتيجة ؟
علم بلدنا اتحرق في ارضنا في ستاد القاهرة 0000هنقول شوية متعصبين وطولنا بالنا شوية كمان ونقول الصبر من عندك يا رب0000يشتمونا في اعلامهم الحقير ونقول اهي جريدة حقيرة ومش كلهم كدا 00 ونقول معلهش000نلاقي جيشهم وحثالة مجتمعهم جاية تشجعهم في السودان ومعاهم سلاح ابيض وبدعم حكومي كامل وتقولي نسكت المرة دي كمان ؟ طب ليه ؟هما ماسكين علينا ذلة ولا ايه ؟ياجدعان ده اللي بيجري في عروقنا دم مش مية متلجة0000عيب لما نتهاون في حق بلدنا اكتر من كده 00عيب لما نصمت صمت الحملان اللي جابنا لورا وخلانا ملطشة للي يسوي واللي مايسواش 0000
افكرك كده ببيت شعر جميل فيه تشبيه ضمني جميل جدااا
من يهن يسهل الهوان عليه مالجرح بميت ايلام
وافكرك كمان ان الله عز وجل قال في كتابه العزيز :
(ولكم في القصاص حياة يا أولو الالباب ) صدق الله العظيم
اقسم بالله العظيم اني اكره التعصب وعمري ماكرهت عربي مسلم و احترم كل اشقائي العرب بل ولي اصدقاء مغاربة وتوانسة وجزاائريين ايضا علي الياهو وكلامي هذا قلته لهم في ولم اخشي في الحق لومة لائم(وانا الان مقاطعهم تماما )
بلاش الشعاراات وخلينا نعيش الواقع 000 كرامتنا بقت في الارض 0000اخويا في الامارات بيحكي لي ان هناك من يقول لهم بسخرية اخدتم علي قفاكم في السودان وهتفضلوا علطول تاخدوا علي قفاكم يا مصريين 000
المصريين في الغربة في نار ومنتظرين قرار سياسي قوي يجعلهم يندموا علي يوم اهانوه فيه مصري واحد
ولما نسحب سفيرنا ونقطع علاقتنا بيهم ونسحب استثمارتنا من هناك وندعم المغرب في نزاعها معهاهم علي الصحراء المغربية هيبكوا بدل الدموع دم 000 فنحن نملك من الاوراق مايجعلهم يدركوا قيمة مصر الكبري
عاوزينا نسعي الي الصلح 000لامانع ولكن عليهم بتقديم اعتذار رسمي امام العالم كله وتقديم تعويضات الي المصريين والي الشركات التي نهبت في الجزائر وارسال وفد رسمي الي القاهرة وده ابسط شيء ممكن نعمله والا قسم بالله هنكون ملطشة الكل
ووقتها نخلي بقي التسامح يبقي ينفعنا