[الجويرية]

المشاركة الأصلية كتبت بواسطة banzer

انتو لسه بتحكو إنها مجرد كورة !!!

عارفين امتى كانت حتبقى كورة
لما كنا اضربنا بسبب إننا فزناهم


لكن في الحقيقة مش ده اللى حصل
لو كانو ضربونا عشان الفوز سبنالهم الفوز
ايوة الموضوع بدأ بالكورة لا شك
وكل حد فينا وفين معتقد انه هو المظلوم
ونفس الكلام بيتقال هناك ده مش كورة ده الدولة بتاعتهم هى اللى مدبراه
الكلام ده ابتدى منين؟؟؟
من ساعة لما الاتوبيس اتكسر الله اعلم من المصريين ولا فعل منهم
المهم انها اتحسبت علينا واتقالوا ده مدبر
غير فى جريدة الشروق
قالوا ان فى بنات جزائريات منعوا من دخول الاستاد الا لما يقلعوا الخمار وبردوا فى حاجة تانية
ومكتوب اننا قتلنا 30 جثة مش وصلهم منهم الا سبعة بس والباقى احنا محتفظين بيهم
المهم هم عندهم احنا اللى ابتدينا ومدبرين ده كويس اوى علشان نفوز
فهم كرد فعل انهم يردولنا الضربة بضربة اشد وبيهدلونا زى مااحنا اضربنا وقولنا نفس الكلام
فالاساس الاول كان كورة فوز وخسارة والاعلام قام بواجبه
الضرب ده مدبر من دولة

القضية سياسية مش رياضية يا جماعة وكفاية رغي في الكلام الفاضي ده
وده كلام يعقل؟؟؟
كان ايه بينا وبين الجزائر؟؟
كنا بنساعدهم فى حروب والعكس
جزائرين عاييشين عندنا ومصريين هناك وفى منتهى الامان

يعني نتهان ونضرب ونسكت عشان خاطر مينفعش نضرب اخونا العربي ولازم نحرر الأقصى
بجد مش عارف اقول ايه
بس ده مش اول موضوع يقول نفس النقطة دون النظر للقضية بشكل عام

حضرتك بتتكلم ولا كأننا بنحارب اليهود
ده احنا كلنا عرب
لو حد فكر يحتلنا مين هايقف جمبنا غيرهم؟؟؟
معاملة الند بالند دى اللى هاتودينا فى داهية
احنا مسلمين
وقدوتنا الرسول صلى الله عليه وسلم
مش هانيجى ذرة الذرة جمبه
كان وهو ساجد بيرموا على ظهره فضلات وكان بيبتسم
كان رجل بيرمى كل يوم قمامة قدام بابه ف مرة مرماش راح يسال عليه
هو التسامح ده اللى علانا زمان
ومعاملة البادى اظلم ده
هى اللى هاتخسف بينا اارض
اخويا حاطط على موبايله اغنية بجد فظيعة انا لو جزائرى وسمعتها بجد كنت هاقدر موقفهم ده
ايه الل احنا فيه ده
دلوقتى بقى الراجل العربى الاصيل؟؟؟؟
كان فىين الراجل العربى الاصيل لما اخونا العرب اتقطعوا فى غزة
كان فين كان فين؟؟
ولا احنا بنظهر فى الحاجات الثانوية بس
آسفة للتعصب
بس والله قضية تدمى لها القلب
ولكل واحد وجهة نظره
وجزاكم الله خيرا على المرور