[BaNZeR]

المشاركة الأصلية كتبت بواسطة آية من الله

ايوة الموضوع بدأ بالكورة لا شك
وكل حد فينا وفين معتقد انه هو المظلوم
ونفس الكلام بيتقال هناك ده مش كورة ده الدولة بتاعتهم هى اللى مدبراه
الكلام ده ابتدى منين؟؟؟
من ساعة لما الاتوبيس اتكسر الله اعلم من المصريين ولا فعل منهم
المهم انها اتحسبت علينا واتقالوا ده مدبر
غير فى جريدة الشروق
قالوا ان فى بنات جزائريات منعوا من دخول الاستاد الا لما يقلعوا الخمار وبردوا فى حاجة تانية
ومكتوب اننا قتلنا 30 جثة مش وصلهم منهم الا سبعة بس والباقى احنا محتفظين بيهم
المهم هم عندهم احنا اللى ابتدينا ومدبرين ده كويس اوى علشان نفوز
فهم كرد فعل انهم يردولنا الضربة بضربة اشد وبيهدلونا زى مااحنا اضربنا وقولنا نفس الكلام
فالاساس الاول كان كورة فوز وخسارة والاعلام قام بواجبه

يا آية الكورة مجرد غطاء لما يحدث فقط

الجيش اللى ضربنا في الجزاير دول مش بلطجية
بقى فيه جيش يبقى كله من البلطجية ومفهوش بنت واحدة ؟؟؟
دول جاييين في خمس طيارات جيش جزائري سي 130 ومعاهم وجبات فرد مقاتل وطالعين على نفقة الدولة
لسه مش مصدقة إنه القضية سياسية ؟
انا مالي بالعلاقة بين مصر والجزاير من زمان كان شكلها ايه السياسيين القدام هما اللى يعرفو
انا اللى قدامي دلوقتي إنه رمزي اتهان ولازم نرجع كرامتنا

حبيبنا المصطفى عليه الصلاة والسلام كان بيسامح كتير اه لما يكون الموقف شخصي
بس لما اتهانت امرأة مسلمة في المدينة وكشفت عورتها عمل ايه
قال اليهود لن يساكنونا بعد اليوم
لأنه المرادي اتهان رمز اسلامي يمس الجميع
ولو كان سابهم حيعملو كده تاني

واديكي شايفة المصري بيحصل فيه ايه كل يوم بره حتى في الدول العربية
طيب لو خايفين من الدول العظمى كان ممكن نقول فيه سبب
لكن يضربونا شوية عيال واحنا واثقين اننا اقوى منهم ونسيبهم !!!
منتي محضرتيش الفيديوهات اللى كان فيها الجزايري اللى بيتوعدنا وبيهددنا
وكإنه عارف إننا مش حنقدر نعمل حاجة ودولته حامياه

انا على فكرة مش بتابع كورة نهائي
بس مش عارف اشمعنى ده اللى تابعته واندمجت معاه اوي
لأنه ماصبحش كورة بقى حاجة تاني كان خفية حتى لحظات قريبة
وكل الاشاعات اللى ذكرتيها دي بتدبير من جريدة الشروخ الليجيرية هي اللى شحنتهم
انا لما قريتها قلت عندهم حق
بس الشعوب في النهاية ضحايا للكلام مش اكتر في اطار الكورة