<span style="color:#FF99FF"><div align="center">بسم الله الرحمن الرحيم
السلام عليكم و رحمة الله و بركاته
انا مش هنكر و هقولك ايوا انا بحب حالياً .. أنا مالي إنت اللي سألتني
و مش معنى إني بحب يبقى هخرج مع اللي بحبه و اعمل كلام الأفلام ده ..لالا ابداً .. إحنا مخلين حب ربنا هو الأول
و بما إنه حب ربنا هو الأول .. يبقى مش هنعمل حاجه تغضبه .. يعني مش عشان بنحب بعض نخرج مع بعض .. و نهيص فيها بقى .. لالا مش بنعمل كده الحمد لله ولا بنتكلم في التليفون و كده .. طبعاً اللي هيسمعني بقول كده هيقولي يا سلام! و ده حب منين بقى ان شاء الله .. مادام انتوا مش بتتكلموا ولا حاجه .. حب ايه ده؟؟ ده أكيد مجرد إعجاب بس! .. هقوله لا طبعاً .. أكيد لما بنشوف بعض بنسلم و كده.. بس طبعاً مش نخرج و نكمل السكه بقى و كده .. و هقولك ده حب منين .. أهلنا إحنا الإتنين عارفين .. يبقى ده حب مبني على أساس سليم و أكيد إن شاء الله هينجح .. مش لازم نعمل كلام الأفلام و نخبي على أهلنا .. عشان نسميه حب بجد .. لو عملنا كده .. ربنا هيزعل مننا أول حاجه .. تاني حاجه الناس هتقول كلام مش كويس .. تالت حاجه محدش هيثق في الطرف التاني .. هيقول في نفسه (اي طرف من الإتنين) "زي ما بيخرج معايا من غير حاجه بيني و بينه .. هيخرج مع غيري .. ايه اللي اخدته بقى" و بتكون نهايتها دايماً مش كويسه
الحب اللي بجد .. بيكون مبني على حب ربنا و بنحطه ادامنا قبل أي حاجه .. عشان ربنا يكرمنا .. و أهم حاجه النيه طبعاً
الحب موجود في حياة كل إنسان .. فيه اللي لسه ملاقاش الحب ده .. و فيه اللي لاقاه .. و فيه اللي لاقاه بس للأسف اتصدم فيه .. فقرر مايحبش تاني .. بس مهما مر الزمن هيحب تاني بس هيفضل مأثر فيه
و حرام بجد الواحد يدفن حبه و كل مشاعره في مشاغل الحياه 
الحب هو اللي بيرجع للإنسان الحياه .. و بيخليه يشوف كل حاجه حلوه و بتدفعه للعمل أكتر و بيحس بأمل كبير في كل حاجه ..
و أكيد أجمل حب في الدنيا .. هو حب ربنا و رسوله صلى الله عليه و سلم
شكراً اوووي عالموضوع يا زهره << تقريباً ده اللي مفهوم في الرد  </div> </span>
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|