[محمد.فوكس]

شوفو نفاق اعضاء الكيان الذي يسمى بالحزب الوطني.
ملك النفاق الكاتب الصحفي اسامة سرايا رئيس تحرير جريدة الاهرام :كتب مقال في هجوم عنيف على الدكتور البرادعي.
عنوان غير محترم .."البرادعي و اوهام التقاعد".
و يقول فيه انه عايش بره ازاي يحكم مصر...طيب ماهو البرادعي كان شغال في وزارة الخارجية قبل ما يبقى مدير الوكالة.و هل كونه مسك منصب حساس و رفيع زي ده يكون عيب ولا ميزة؟
و بعدين هو اللي عايشين في مصر هنا عارفين مشاكلها طيب محلوهاش ليه..و مين قالك انه مش عايش في مصر؟
ثم تابع الكاتب الصحفي هجومه:و قال ان البرادعي بعد تقاعده عايز يجي يبقى رئيس مصر؟
انا رد عليه و اقوله اومال الرئيس مبارك اللي انت بتنافقه ليل و نهار عنده 80 سنة يعني لو كان في خدمة الجيش كان يبقى بقاله 25 سنة متقاعد..و بعدين البرادعي عنده 67 سنة بس يعني ده كده يبقى شاب.
و بعدين تليك حق ماهو موضوع التقاعد ده غريب عليك لانك عايش في بيئة محدش بيتقاعد من نفسه او بأمر من رئيسه لكن كله بينتظر امر الله عشان يتقاعد.
البرادعي تقاعد لانه كان رئيس هيئة فيها ديمقراطية و يهمها الكفاءة قبل اي شيء..و يذكر انه لم يكن اداة في ايد امريكا ضد ايران لكن كان عادل و كنت احسه في بعض الاحيان صبور على ايران.
و مش اسامة سرايا بس.. و كمان مذيعين كانو عاملين نفسهم عايزين ديمقراطية لكن متعرفش ليه قلبو..و اتكلمو عن البرادعي بطريقة تحس كأن في عداوة شخصية..و يقولك ان البرادعي بيتأمر و بيتشرط.
و هو ده مش حقه انه عايز يعمل انتخابات نزيهة..انتو ليه متغاظين ان فيه واحد الناس حاباه؟..و ليه تاريخ مشرف و العالم كله عارفه.
و معاه دكتوراة في القانون.
و كمان عايزين تشككوا في مصريته .. قال يعني انتو اللي بتحبوا مصر اوي..انتو عايزين تفضلو تنهبوا مصر اوي.
شوفو الصحفيين بيقبضوا كام نظير النفاق .. يعني كل ما تفتح جرنال الاهرام تلاقي مقال رئيس التحرير حاجة من اتنين:
اما شكر للرئيس و لقيادات الحزب الوطني و كلام حمصي.
يا اما اي دولة النظام المصري غيران منها او مش عاجبه سياساتها يقعد يهاجمها و يطلعها العن من اسرائيل.
يعني القيادة السياسية في متقول قطر وحشة تاني يوم يطلع يقولك قطر بنت كلب..القيادة السياسية تقولك لا قطر حبايبنا تاني يوم يطلع مقال يقولك قطر دي شقيقتنا.
و اللي يفرسك..انه في موضوع الجزاير كان موقفه عكس كل الناس لا كان غاضب ولا اي حاجة كان بيقولك منناس انهم اخواتنا و يوقكل لازم نتقبل الهزيمة و كلام سمج و بارد.
انا حاسس انه مش بينافق النظام لكن بيقول عكس اللي الناس عايزاه بالضبط..و الله انا ضغطي بيعلى لما بقرأ مقالاته و مش بقدر اكملها.
عموما ده المتوقع مش حاجة غريبة..هو بس اللي يغيظ هو سياسة اللا منطق..يعني عايزين تضحكوا عالناس احبكوها متبقوش مفضوحين كده.