عرض مشاركة واحدة
  #2  
قديم 08-12-2009, 10:50 PM
الصورة الرمزية abdelRhman772007
abdelRhman772007 abdelRhman772007 غير متواجد حالياً
طالب جامعى (كلية هندسة )
 
تاريخ التسجيل: Nov 2007
المشاركات: 1,504
معدل تقييم المستوى: 19
abdelRhman772007 is on a distinguished road
افتراضي

من واقع تجربتى و رأيى الشخصى

من أفضل الكتب الموجودة و المريحة

هو كتاب 100% مراجعة مستمرة و نهائية + كتاب المعلم مراجعة نهائية و توقعات الامتحان

كتاب ملخص من الآخر و أفكار شاملة سهلة و صعبة

و متجمعة من كتب و امتحانات

و التانى أفكار عميقة و رغم أنها قليلة إلا إنى أرشح أنها تتحل حبة حبة طول السنة

و يكفى إنه جه منهم أسئلة كتير فى الدور الأول و الدور التانى و كذلك السنة اللى قبلها

أما اللى يقول كتاب لامى أفضل كتاب هو مش أفضل كتاب و لا أصعب كتاب فى رياضة 2

هو بس اصعب كتاب لسة بيتباع فى السوق و للعلم عمرى ما اشتريت الكتاب ده

و اللى هيقول المعاصر أحلى كتاب فى رأيى الكتاب ده فى الثانوى مش تمام خالص

كفاية أنه بخط الايد و متحدثش من سنة 2000 تقريبًا و كله كلام و إن شاء الله يعدلوه السنة اللى جاية

و إلا هيفقد مكانته فى الثانوى لأنه كتاب روتينى أوى

وعمومًا فيه فئة كبيرة بتحب الكتاب ده

و ناس هتقول الممتاز أقول أنه ضخم بس حلو

فى كل الأحوال و مهما اشتريتى كتاب

نصيحة أخوية يكون معاهم كتاب 100% مراجعة

و بالمرّة لو حضرتك شاطرة فى الرياضة متنسيش تاخدى مستوى رفيع رياضة

لأنه هيفيدك فى الثانوى و هيفيدك إن شاء الله لما تدخل هندسة

أى استفسار آخر ؟

بالمناسبة كنت مقفل المادة رغم إنى عندى غلطة بيجبروا بخاطرى ربنا يسترهم دنيا و آخرة
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم