اقتباس:
المشاركة الأصلية كتبت بواسطة ~~ jasy ~~
بصى انتى فى العلوم المفروض بتفهمى اللى هو عايز يقولهولك فى الدرس وبعض ماتفهمى لو فى تعريفات احفظيها وبعدين حلى ع اللى انتى ذاكرتيه ولو فى حاجة وقفت ادامك ارجعى للجزئية دى تانى ولو السؤال صعب ومش عارفة تحليه خالص اسألى المدرس بتاعك
والعربى بتقرا الدرس كويس وطلعى المعانى عشان تبقى عارفة انتى بتقرى ايه وبعدين اقريه مرة كمان وطلعى اسئلة وانتى بتقرى لحد ما تحسى انك خلاص فهمتى الدرس كويس وتعرفى تحلى وبعدين ابقى حلى و لو فى حاجة وقفت ادامك ابقى ارجعى للدرس او المستر
|
اقتباس:
المشاركة الأصلية كتبت بواسطة احبك بصمت
انتوا ممكن تقولولى بتذاكرو ا عربى وعلوم ازااااى؟ ويبقى ربنا يكرمكوووا اووووى لو قلتوا ليا وخصوصا العربى
|
مظبوط يا جسي وانا عن نفسي بذاكر العلوم
بعد لما افهم باخد المفكره واذاكر الي فيها علي الدرس يعني المعدلات وكده والتعريفات والتفسيرات وكده
وعلي فكره في جزء لازم تكوني فيه حافظه المعدلات ومتاسسه في جزء الكميا علشان كده نصيحه احفظي ورقة المعدلات اللاتنيه الي في اول كتاب الامتحان وبعد كده جزء المعدلات كله هيبقي سهل
ولما تخلصي من المذكره ارجعي للدرس هتلاقي مش باقي غير نقط بسييييييييييييطه جدا راجعي عليها ولمي الدرس من تاني مذاكره وحلي كل الاسئله الي عليه
وبعد كده صدقيني مستحيييييييييييييل هتنسي الدرس تاني
----------------
بالنسبه للعربي فبيختلف يعني لو نحو افهمي القاعده وطبقي من قطع من الاضواء من ورا عليها ولو مش فاهمه ارجعي للمدرس او المدرس ولو نصوص اول حاجه بتقري النص وبتحسيه وبتدخلي في جو النص يعني تكوني مدمجه قوي مع النص بنفس المشاعر الي يحملها علشان تقدري تحفظي بسرعه وتمسكي المعاني وقبل ما تحفظي النص حسيه هيبقي سهل وبعد كده الجمليات هتلاقي لو انتي حسيتي النص بتقوليها لواحدك ده طبعا بعد ما تقريها
ولو قرائه افهمي فكرة الموضوع الي انتي بتحفظيه وحطي كل الدوافع والمتعلقات في دماغك وابداي بالحفظ نقطه نقطه وطلعي علي كل نقطه في الدرس سؤال واحفظيه علي هيئة اسئله
اما بالنسبه للقصه فخديها علي انها حكايه اهم حاجه تدخلي في معني القصه وانتي هتفتكريها لواحدك وبعد كده قسميها لاسئله واحفظيها علي هيئة اسئله هتكون سهله
وطبعا بعد كل ده لازم تكوني بتحلي بعد مذاكرة كل درس عليه كل الاسئله
وانا وعلي ضمنتي هتطلعي الاوله علي المحافظه او الجمهوريه كمان لو ذاكرتي كده
وفي ملاحظه هامه :
خدي المذاكره علي انها متعه او شئ لازم تعمليه في حياتك او عاده
واوعي تخديها علي انها عمل او شئ ملل او جهد
وان شاء الله هتنفسيني علي المركز الاول السنه دي هههههههههه
واسف علي الاطاله وشكرا
WITH MY BESTWishES:
MIZO COOL MAN