[حياتى كلها لله*]

----------------------
حمله هنتغير بجد
يقدمه / محمد عيـد
--------------------------------

الحلقة السابعــة
بعنوان

( هنتعلم من الهجره )


+ السلام عليكم ورحمه الله وبركات

=وعليكم السلام ورحمه الله وبركاته

+ كل سنه وانت طيب

= وانت طيب
بص بقى كده علشان انا محتاج اوى
افهم

+ تفهم ايه ؟


= افهم قصه هجره الرسول
وكده
علشان مش عارف افهمها خالص


+ بص كده الاول مش ديما نقول الاسلام يصلح
لكل زمان ومكان


= مظبوط


+ طبعا ده مش هيكون الا لما نفهم حياه الرسول وعاش ازاى
وناخد ده نستفاد منه ونطبقه فى حياتنا وده المقصود
من سيره الرسول
اننا نعرف سيرته ونطبقها فى حياتنا
ونوظفها على حسب الواقع اللى عايشين فيه
ونشوف الرسول لو كان عايش معانا فى عصرنا ده هيتعامل ازاى


= حلو اوى علشان حتى ما تبقاش سيره الرسول
مجرد قصه وخلاص نقراها
لأ نعيش بيها
علشان نتمتع بجد
ونعيش صح


+ علشان كده ان شاء الله كل شويه كده هنعرض
مقطع من حياه الرسول
وهنعرف مع بعض ازاى سيدنا النبى
اتعامل فيه
وازاى نطبقه فى المواقف بتاعتنا
اللى فى حياتنا دلوقتى
وهنبدأ مواقف النبى
بموقف الهجره
بص هنبدأ من السبب الابرز اللى خلى النبى صلى الله عليه
يهاجر
وطبعا كان في اسباب كتير
وقريش ساعتها مش طايقين النبى
وكان اللى منعهم من انهم يقربوا للنبى
عم النبى ابو طالب
وده كان بيمثل الحمايه الخارجيه
يعنى السند الخارجى
على الرغم من انه غير مسلم
بس كان بيحب النبى اوى اوى
وكانت السيده خديجه
ووقتها كانت هى زوجه النبى الوحيده
لانه ما تزوجش تانى غير بعد وفاتها
وكانت بمثبه السند الداخلى
كانت ديما تثبته وتهديه لو حصل حاجه
وللأسف الاتنين ماتوا فى نفس السنه
تخيل بقى
اصبح كده النبى
مالهوش اولاد ولا ليه زوجه
ولا ليه حد يحميه
اظن لو احنا حطينا نفسنا مكان النبى
كنا ادمرنا
ولكن درس من النبى
مهما يحصل
اوعى تقف
الحياه مش هتقف
وطالما معاك فكره
اوعى تسيبها
لازم تكملها للاخر
وبدأو المشركين يأذو النبى
مره يرموا عليه التراب
ومره يرموا عليه الامعاء بتاعه الحيوانات الميته
اظن قرف
وبصراحه محدش يستحمل كده
بس علشان هوا معاه الحق
مستحمل
ممكن لو واحد مننا مكانه
يقول ان شاء الله ما عرفوا
انا مالى
انا هتحايل عليهم
المهم
النبى فى الوقت ده قرر انه يروح مكان تانى
لعل الناس تقتنع بالدين ده
وبالفعل قرر انه يروح اى مكان تانى غير مكه ولكنه حدد
مكان اسمه الطائف وطبعا راح هو و سيدنا زيد وكان تقدر تقول مساعد النبى
يعنى يخدمه
لان زوجه النبى توفيت
ومفيش حد يساعد النبى
وراحوا
وقعد مع كبار زعماء ثقيف
وثقيف دول كانوا ساكنين فى الطائف
ولكن للأسف ما اقتنعوش مش كده وبس دول ولعوا على النبى العيال الصغيره
والعبيد بتوعهم وقالوا لهم يشتمواه ويرموه بالطوب علشان يمشى
وللأسف عملو كده
اظن لو احنا مكان النبى
هنقول والله ما انا مكمل حاجه انا مالى
انا اخدت بالاسباب
ولكن نتعلم درس تانى وهو عدم اليأس
اوعى تيأس انت الصح يبقى اياك تيأس
طالما الحق معاك يبقى ربنا معاك
ومش هيسيبك
ومش هيخذلك
النبى فضل ماشى لحد لما وصل لبيت كده استخبى وراه
ولما النبى هدا شويه
واقعد تحت شجره عنب
وطبعا كان اتعور هو وسيدنا زيد
وبعد كده النبى رفع ايده علشان يدعى
وهنا بقى نقف
نشوف النبى وهو فى اشد الاوقات
ما نساش ربنا وواثق مليون فى الميه ان ربنا مس هيسيبه
ودعى الدعاء اللى كلنا عارفينه
اللهم اشكوا اليك ضعف قوتى
وبعد ما خلص ولما اهل البيت اللى جنب الشجره شاف النبى
وصعب عليهم
بعتوا الغلام بتاعهم زى الخدام كده
بعتوه وقالوا له خد الطبق ده وحط فيه عنب واديه للراجل اللى هناك
خليه ياكله
النبى اخد العنب وقال بسم الله علشان ياكل
وبرده نتعمل درس
مهما يكون الحال اللى انت فيه برده اوعى تنسى ربنا
طبعا الولد ده كان مسيحى
فأستغرب
وقال له الكلام ده مش بيقوله اهل قريتنا
النبى قاله انت منين ودينك ايه ؟
قاله انا نصرانى ومن مكان اسمه نينوى
النبى قال له من بلد الرجل الصالح يونس
الولد قاله انت تعرفه منين ؟
النبى قاله :ده اخويا انا نبى وهو نبى
الولد قعد يبوس ايد النبى ورجله
الموقف خلص والنبى رجع تانى لمكه
ودخل تحت حمايه واحد اسمه المطعم بن عدى
وكام واحد معاه
علشان محدش يقرب من النبى وبعدها النبى كافئ النبى
برحله الاسراء والمعراج
وبرضه النبى مش يأس وكل قبيله تيجى علشان تحج
يدعوهم للاسلام ونتعلم درس تانى
اوعى تيأس
وحاول
طالما انت صح
هتوصل يعنى هتوصل
وللاسف كان ابو لهب يقف ورا النبى
ويقول لهم اوعى تأمنوا ده كل للى عاوز يعملوا
انكم تشركوا باللات والعزه
الالهه بتاعتهم
طبعا لو احنا مكان النبى
كنا هنط على ابولهب ونموته من الضرب
علشان يكت
ونقوله انت مالك ونشتمه
ولكن النبى كان هادى جدا
ودرس نتعلمه من النبى
اهداااااااااااااااااا
اوعى تتنرفز
النبى برده كمل دعوته للحجاج
لحد لما وصل وفد من يثرب
ودى مدينه
وكان اللى بيسكنها
الاوس والخزرج عارفين ان فى نبى جاى وعرفوا من
اليهود بتوع يثرب وبالتالى كان ده عامل كبير جدا فى ضعف عقيده الوثنيه
وده كان بمثابه تمهيد للنفوس
وفى موسم من مواسم الحج جاء وفد من وفود يثرب
النبى دعاهم وقرأ عليهم من القران
وكانوا 8 افراد
ورجعوا ونشروا الدين
والموسم اللى بعدهم
جه للنبى 12 واحد وبايعوا الرسول
ومن ذكاء النبى انه استناهم عند مكان اسمع العقبه
وده زى ريست للرحلات
اى حد جاى للرحله
بيريح هناك
والنبى بعت معاهم مصعب ابن عمير
علشان يعلمهم اصول الدين وازاى يصلوا وكده
والموسم اللى قبلها
مصعب ابن عمير جه قبل موسم الحج علشان يبلغ النبى
انهم هيجوا فى موسم الحج
علشان ما نلفتش نظر قريش
وجه الوفد وعدده 70 رجل واتنين ستات من الصحابيات
والتقوا مع الرسول سرا علشان قريش ما يعرفوش حاجه
وبايعوا النبى






هنقف هنا
قبل البيعه
علشان البيعه منها دروس كتير
وهنتكلم عنها بالتفصيل
يلا كل واحد يقول هو استفاد ايه
ده الجزه الاول
وكان قبل الهجره
الجزء الجاى
بأذن الله هيكون البيعه
وبدايه الهجره
والجزء التالت
اللى النبى عمله
ولكن مش هنجيبهم ورا بعض
علشان يبقى مش نفتكر النبى فى الوقت ده بس

فضل طول الوقت فاكرينه

انتظرونـا ان شاء الله فى الحلقة القادمة

من حملة هنتغيــر بجــــد