اقتباس:
المشاركة الأصلية كتبت بواسطة طارق محمد فرح
لى سؤال هل النقاب فرض
|
بص ياسيدي هو انا ولا شيخ ولا دارس علوم دين ولا مفتي ولا اي حاجه
بس انا هرد عليك من قناعتي الشخصية
انا مقتنع تماما ان النقاب مش فرض
النقاب سنة
بس عارف والله حتي لو النقاب ولا فرض ولا سنة برضو محتاجينه في الزمن المنيل بنيلة دا
الزمن اللي انت حتي متأمنش فيه ان والدتك تمشي لوحدها مش اختك حتي
الزمن اللي فيه عشان تتجوز محتاج يكون معاك علي الاقل 50 الف وتبقي بالعافية بداية في حين انك شايف حواليك بنات لابسين منغير هدوم والبنات اكتر من الولاد حاليا ودي حقيقة علمية
لما تحس انك محاط بكل الكلام دا مش هتكون محتاج مساعدة ولو بسيطة في شكل ان البنت تغطي وشها عشان متفتنكش وتجذبك لطريق نهايته مش هتكون قد كدا
الكلام دا اكيد مش قصدي بيه ان البنت هي سبب المصايب او انها نقمة او كدا بالعكس البنت نعمة وبطبيعة الانسان انه بيحب يستمتع بنعمة ربنا عليه
يارب اكون قدرت اوصلك فكرتي
وشكرا جزيلا علي ردك 