اومال لو كنتو شوفتو الجامعه يوم الاتنين
مكناش فى جامعه ..
كنا فى كباريه
مش عارفه كان فى ايه ف المكتبة
تقريبا احتفال بالمئوية او حاجه
المهم انه احتفال المكتبة كان ازاى بئا
مستضيفين الفنان يحيى خليل _ كنت اول مرة اسمع عنه اصلا _
المشكلة مش فى المكتبة ولا فى طريقة احتفالها ولا فى الاخ دا كمان
تتفرجو بئا ع الطلبة حواليه
ادام المكتبة ع طول ناس واقفة بتتفرج
وتحت الشجر ناس .. _بلاش اللفظ دا_
بس كانو بيرقصو
ادام الكل ووسط الجامعه
شباب وبنات المفروض انهم محترمين او يمكن اهلهم بيحسبوا كدا
بنات لابسين مش لابسين وللاسف فيهم محجبات
والبنت بترقص كأنها بجد فى كباريه مش محترمه اى حد واقف ولا محترمه نفسها
والفيديو معايا
ممكن انزله بس انا بنت زى زيهم
والعيب مش منهم
العيب ع اللى سامحلهم وقالب المكان اللى المفروض اننا رايحينه علشان العلم مكان لقلة الادب وكل اللى عاوز يعمل حاجه بيعملها
ومحدش كلمهم بالعكس الحفلة كانت برعاية البيه رئيس الجامعه المحترمة
علشان يبسط الطلبة
والمكتبة اللى المفروض بيقولو عليها دار الثقافة اثبتت فعلا انها كدا
بس مش اى ثقافة
مكناش حتى عارفين ناخد محاضرتنا
يعنى من الاخر الحفل اجبارى
مش هقولكم سايب كل دا وجاى علينا احنا لانه هو اللى جايب دا
عقول فاضية بجد
بجد انا مش عارفه اقول ايه
انا دمى محروق لدرجة فوق الوصف
حسبى الله ونعم الوكيل
لنا الله ..
__________________
.. ليس كل ما يتمناه المـرء يدركه ..! .. "ارحمنى يا الله "
|