[براءة]

انا متردده اقولكم مشكلتى ولا لأ

اصلها اكيد فى نظركم هتبقي _ هايفه _

بس والله بالنسبه لى الموضوع ده مشكله كبيره ليا

وهو ان هدومى انا مش مستريحالها كلها ..

ونفسي الاستايل كله يتغير لعبايات سودا

لكن المشكلة انى لما بخرج بالعبايات السودا تخيلوا انى مبسلمش من الكلام

وانا ماشية لو قابلت ناس اعرفهم يقعدوا يقولولى فيه ايه يا رحمة مالك مسوداها كده وتحقيق ملوش اول ولا اخر

ولو قابلت ناس مش اعرفهم فى الشارع تلاقي واحد يقوللى

والنبي ابقي صليلى ركعتين .. وواحد غيره يمشي يقول ما شاء الله الله اكبر بصوت عالى وبطريقه مستفزة كانهم عمرهم ما شافوا واحده لابسه عباية سودة قبل كده

اعمل ايه .. اخلينى على اللى نويت عليه ولا البس هدومى العادية

بس لو على الشياكة وكده العباية السودة شيك جدا بالاضافه ان البنات كلها بقوا شبه بعض كلهم لابسين اصفر وبمبى واحمر واخضر ولبنى ومفيش تميز

اما عن الالتزام بتهيالى العباية السودة اكثر التزاما من اى هدوم

ولا انتوا ايه رايكم ؟؟

تانى مشكلة هى ان

ولا بلاش .. اشوف ردكم الاول على المشكلة دى ....

وشكرا يا سادات على الموضوع ..