كل اللى اعرفه يا منتصر ان المحاسبة خلصناها مع الدكتور وكمان ادانا موقع كويس جدا هنلاقى فيه 6 محاضرات وكمان تدريبات عليهم والموقع هو
www.arakam.com
كل اللى عليك انك تدخل الموقع ده وهتلاقى شريط فيه عناوين ادخل على عنوان اسمه مصادر وبعد كده هتلاقى محاضرات سنة اولى ومحاضرات تعليم مفتوح ادخل على تعليم مفتوح وهتلاقى المحاضرات دى
اما عن الاحصاء والتمويل لسه ماخلصناش محاضراتهم
وبالنسبة للنظرى فى ورق بيتباع تبع مكتبتنا اللى هى " مكتبة مصراوى " اسمه ورق الدرس او ورق س و ج عن اى مادة سواء نظرى او عملى لكن المراجعات النهائية دى بتنزل قبل كل امتحان على طول
ولو انت معاك الكتب انا هقولك على المقرر فى مادة التامين عشان الدكتور دخلنا فيها مرة واحدة بس :
الجزء الاول :
الفصل الاول كله علينا .
التقسيم العلمى للاخطار - عناصر الخطر - صفات الخطر ..
الجزء الثانى :
مقياس الخطر - وسائل ادارة الاخطار ..
الجزء الثالث :
مفهوم التامين : تاخد فيه المفهوم الاخير فقط - اهداف ووظائف التامين - القواعد الفنية للتأمين - خصائص منشات التامين - مشاكل سوق التامين من الناحية العلمية ومن الناحية الخاصة بالسوق المصرى - مفهوم التامين على الحياة
وفى جزء عملى وهو احتمالات الحياة والوفاة لشخص واحد او لشخصين او لعدة اشخاص
وكمان فى القسط الوحيد الصافى وباقى الاقساط ملغية
وفى كمان تامينات الممتلكات هما 3 انواع اتنين منهم بس اللى علينا وهما تامين الحريق والتامين البحرى
بس ده كل اللى اعرفه ولو فى اخبار تانية اكيد هقولك عليها
انا كمان طالبة بالفرقة التالتة ومحتارة زيك بالظبط فى النظرى ومش عارفة اعمل فيه وربنا معاك ويقويك ومعانا كلنا ان شاء الله