دستور إيه ياعمنا اللى جايبه وتاعب نفسك
الدستور حقوق وواجبات ودى ملعوبه منك
بالله عليك ياراجل ياطيب إنت قايم بواجبك
ولا زىالكثيرياعم قبل كل شىء بتطلب حقك
ومش شكر فى حكومه ولادوله( لأ) شكر للمصريين
اللى بقدم لهم دعوه يارب نكون مع نفوسنا صادقين
ولا ننساق ورا فكر شارد من ناس بيتمسحوا بالدين
هدفهم بس كرسى السلطه ولو على حساب الملايين
دى بلدنا مسلمين ومسيحيين ---- دى بلدنا وكلنا فيها موحدين
لاينفع فيها الفكر إيـــــــــــاه ---- وهنعيش فى وحده ليوم الدين
إلعبوا غيرها فى مكان تانى ----- واتقــوا غضب الناس الطيبين
الناس الغلب كاويهم وأنتم ـــــــــ- لأوجاعهم مهللين ومستغلين
وعشان منصب أوعضو نقابه ---- تبيعوا أوجاعنا للشياطين
للأسف بقيتوا فى سله واحده ---- مع المرتشــــــين والمفسدين
(مع الإعتذار - وكامل التقدير لكل من يتقى الله فى أهله وبلده ويدعوا إلى سبيل ربه بالحكمةوالموعظة الحسنة )
|