بــــــحــبــك
بحبك و لو جيتلك اوصف مشاعرى
و احاول بكل اللغات و الكلام
ساعتها هيحتار لسانى فى امرى
و يسرح و يظهر عليه الهيام
هيقولى ابدا ما شوفتش جمال
يشبه جمالك و لو فى الخيال
و عنيا لو جاتلى تحكى فى جمالك
و ايديا لو مرة توصف دلالك
دلالك ملوش زى فى الدنيا ديا
و لمسة ايديكى دى كتير عليا
و اول ما شوفتك قلبى حكالك
و ما تفوتش ثانية ما افكرش فيكى
و لما بكون وسط ألمى و جروحى
و اسمع كلامك و ابص فى عنيكى
بنسى الاهات و الجروح و ابقى نفسى
عشان بس اجيلك ده اقصى طموحى
يا عمرى اللى نفسى اعيشه فى هواكى
و ما يكونش حد إلا قلبى معاكى
تاخدنى عنيكى و اسكن فى حضنك
و اعيش و اموت فيكى و افضل فى قلبك
و تبقى فى سمايا النجوم و القمر