هم العالم دي مش لاقيه حاجه تعملها غير انهم يدو أجزات وللا إيه
هي السنة فيها كام يوم لما كل شوية أجازة
وبعدين شرطة إيه اللى احنا هناخد أجازة ليها
هي فالحه في حاجه
الجرائم بتزداد يوم بعد يوم
والبلاوي مليه البلد, والظابط من دول يشوف الحرامي والبلطجي وكأنه اتعمى في عينه وعين اللى مشغله وعامل فيها عبده الاهبل
ونحتفل بعيدهم إجباريا وهم كل شوية يخدوا الناس عمال على بطال
الظابط من دول يلف طول الليل بالبوكس ولازم يعمله عشرة وللا عشرين محضر
ازاي مش مشكله المهم يعملهم وخلاص
واحد راجع من شغله متأخر يقوله
بطاقتك ....... يدهاله
يقول له طب اركب معانا خمس دقائق وهتروح
امال واخده ليه مادمت هتروحه
يقولك اكمل عدد المحاضر المطلوبه بس
والمصيبة السوده إن بعض المخبرين اللى بيكونوا مع الضابط عارفين الناس اللى هيخدوهم وإنهم محترمين.
لكن
العدد في اللمون
وطب الحرمية والبلطجية اللى ملين البلد؟
ميعرفش عنهم حاجه
ويحيا شعار الحكومة المصري
الشعب في خدمة الشرطة
أنا مليش دعوة
أنا عايز يوم عيد ميلادي أجازة رسمية
والكل يحتفل بيه
اشمعنى الشطرة بقى؟؟؟
