أنا مدرس تربية موسيقية بالأجر انا السنه اللى فاتت كنت شغال فى مدرسة خاصه فى دمنهور المهم قالوا ان فى تقديم وكده عشان فى عقودات جاية وكده قلت ماشى أقدم وبعد ما قدمت قبلت جدا وفرحت خالص ووزعت حاجات حلوه وكده حلاوة العقد يعنى وكده وبعد كل ده اشتغلت بالعقد شهرين وبعدين الاقيهم بيقولوا لى معلش انت العقد بتاعك حينفصل طيب ليه بقى حينفصل ال ايه يقولوا لى انى معييش مؤهل عالى والمؤهل بتاعى متوسط طيب ما انا مديكم البيانات بتاعتى والمؤهل وكل حاجه تمام يعنى وفى الاخر تقولوا لى اعقد حيتفصل مع العلم اننى حاصل على " الثانويةالموسيقية من المعهد العالى للموسيقى العربية " 2005 وانا مديهم الشهاده بتاعة المعهد بتاعى وكل ما يثبت اننى حاصل على المؤهل بتاعى بس أعمل ايه بقى أقول ايه هى كلمة واحدة حرد بيا عليهم "" حسبى الله ونعم الوكيل فيهم "" كل اللى ظلمنى بقى وبعدين طبعا فصلونى وعملوا لى إخلاء من المدرسة اللى انا كنت فيها وخلاص كده بس ايه انا مسكتش روحت لوكيل الوزارة وكلمته وقلت له على اللى حصل قالى معلش الذنب ذنب اللى راجع الورق بتاعك وكده وراح قايلى شوف أقرب مدرسة ليك وانا حأشغلك فيها من بكره بالأجر "" بالأجر "" يعنى بالحصة يا جماعه فى عجز فى التربية الموسيقية يعنى أعمل ايه بس المفروض انهم ينزلوا تعاقدات للمادة عشان العجز اللى فيها ده ... ياريت وكيل الوزارة أو محافظ البحيرة ... يعمل أى حاجه معانا إحنا شباب المستقبل وعاوزين نساعد نفسنا ونعمل لنفسينا أى حاجه ... وأخيرا أشكركم لحسن قرائتكم وإستماعكم والسلام عليكم ورحمة الله وبركاته ..

الإسم / أحمد محمد عبد الرحيم ...
الموبايل / 0126635442 ...
الإيميل / ahmed_music_41***********

وشكرااااااااااااا