هو دة الكلام
المفروض يكون فى ممثلين للوزارة فى المواقع والمنتديات الإجتماعية زى منتدانا دة
وغيره يرصدوا ويقروا الكلام والأفكار اللى زى فكرة حضرتك الرائعة وبعدين يشوفو
هتتنفذ ازاى بمساعدة صاحب الفكرة لأن استاذ توفيق بصفته صاحب الفكرة هو اكتر واحد
ممكن يشخص المشكلة ويحدد افضل الحلول المناسبة اكتر من وزير التعليم نفسه
تعالى يا استاذ توفيق ايه اللى خلاك تكتب فكرة زى دى ؟
ايه اكبر مشكلة ممكن يسببها غياب التلاميذ عن المدارس ؟
ازاى ممكن الوزارة تحل مشكلة زى دى ؟
ازاى تقدر تساعدنا فى حل المشكلة ؟
وبعدين تتعمل ورشة كبيرة تضم نماذج تعليمية تضم كل الخبرات الحقيقية وتتشاور
معاهم بحضور اساتذة الجامعات وخبراء التعليم الكبار عشان يوصلوا لحل المشكلة النهائى
ويبتدوا يطبقوه وتاخد الورشة زى ماتاخد اسبوع او اتنين او شهر او شهرين وتخيلوا
هتكلف كام ؟! ملاليم بالنسبة للخبراء الأجانب اللى على حسهم النهب بيبقى عينى عينك
وفى حالة جدية الفكرة ونجاحها فى التطبيق نعمل تكريم للأستاذ توفيق فى الوزارة
وصورة فى اول صفحة تانى يوم مع الوزير وهو بيضحك وفى ايده شيك ب 50 الف جنيه
على اقل تقدير ايه رأيك يا استاذ توفيق ممكن ده يحصل فى يوم من الأيام
ولا انا سرحت حبتين ؟!!