مش مهم إنى بحبك
أو حتى حبك شلال ف قلبى
داير يخبى عن عينيكى
الألم
مش مهم إنه اتظلم
منك كتيــــر
مش مهم انه يغيـــــــــــر
لما عينيكى تبتسم (وسط العيون)
وانا جرحى صاحى
بيغنى غنوه ع الندم
والجرح لم
والجرح سم
والفرقه عندك فى العروق بتجرى دم
ومش مهم
مش مهم لما انادى
ألتقى فى صدايا رد
يا م العيون متكحله بكحل السكات
واقفه ساعات
بتشترى من بحر عندك
واللى فات........ داللى فات حفنة ورق
واتسرق منها الأمان
والمكان أصبح عدم
واتعدم حب السنين
واتهدم بيت القصيد
واتحرم الحرف من بيته
اللى قام واتهدم
ومش مهم
والأهم إنى عرفتك ع الحقيقه
بعد ما عرفتك سنين طويله
واتهزم
جيشى ف حربك
واتهدم هرمى ف أرضك
ومش مهم
مش مهم
مش مهم