اقتباس:
المشاركة الأصلية كتبت بواسطة ياسمين2012
انا قبل الامتحان مش بعرف انام ببقى نايمة صاحية وبحلم بالمادة واخطرف وانا بسمّع النصوص والقواعد
معاك حق مينفعش نراجع قبل اللجنة
انا باخد معايا برشام فيه اهم المادلات والقوانين وكده يعني وبسلمه للمراقب قبل الامتحان
بس مش بخاف من الامتحان ابدا ويوم الامتحان قلبي بيدق جامد قبل ما استلم الورقة واول ما ابص في الاسئلة بهدا
ممكن تجربي الطريقة اللي فوق هتخليكي تضحكي على الامتحان
وبعدين هو مش هيجيب حاجه من جوا المنهج؟ يبقى خلاص
لن يصيبنا الا ما كتب الله لنا
بس في ناس بتاخد براي الشاعر ""غير ان الفتى يلاقي المنايا كالحات ولا يلاقي الامتحانا""
|
انا مبخدش حاجة معايا خالص
معرفش ليه بيبقى كله عمال يراجع
وانا ببقى قاعدة ساكته
مبعتقدش ان الربع ساعة دى هتفرق معايا كتير
وكمان مبستحملش حد يسالنى سؤال عشان التركيز بتاعى
مش يبوظ
وعايزة اقولكم ان الادعيه اللى فوق دى مهمة اوى
انا بنسى الدعاء بعد الامتحان معرفش ليه بخرج من اللجنة ببقى غريبه اوى
المهم كمان الايام دى المذاكرة بتفرق فيها كتير الايام دى هى الاساس
يلا طولت عليكم
سلام بقى
ادعوووووووووووووووو لى