شكرا لmaioy
ولمساميدو علي المتابعة
وشكرا لاستاذ بورسعيدي اللي اول مرة يشرفني بالرد علي موضوع
ونكممممممممممممل
<div align="center">دخلت ميشيل...
وارتبكت للحظة.. لم ادرى ماذا افعل
فوقفت.. ومددت يدى لاسلم عليها ...
وفى غفلة منى
...وفى لهفة وشوق منها....اسرعت الخطى نحوى..... طوقتنى بذراعها ....وطبعت قبلة على خدى.... وارتبكت.... وعلا وجهى حمرة الخجل .....ولم اكن اتصور انا اؤخذ على غدر
طب صفرى ياميشيل ...زمرى قبل ما تعبطينى كده
ازيك يابيبى..... ده ميشيل اللى بتقول
-ازيك انتى ياميشيل.. سلامتك الف سلامة...عاملة ايه? كل الناس اللى فى الشغل بتسأل عليكى
*متشكرة جدا يابيبى ...ماكنتش متخيلة انك حاتيجى لحد هنا علشان تطمن عليا.....
ولقطت الورد من ايدى تخيلوا من ساعة مادخلت وانا ماسك الورد
*جميل ذوقك اوى يابيبى
-انتى الاجمل ياميشيل
موش فاكر بعد كده اتكلمنا قولنا ايه... بس كان كلام خفيف عن الحياة شوية.. وعن نفسى شوية.. ومن وقت للتانى سوزى كانت بتشارك بالكلام... واضح انها انسانة لطيفة ...ومؤدبة
قصدى مؤدبة جدا :D ....ودوسوا على جدا ..وخليكوا فاكرين انى بأقول مؤدبة لحد مايثبت العكس ..وانصحكم ماتغركوش المظاهر
ماعلينا .....
قمت وقفت ..واستأذنت انى امشى.. سلمت على سوزى
وبعدين ميشيل سلمت عليا ..وفضلت ماسكة ايدى لحد ماوصلنا باب الشقة
وشكرتنى مرة تانية وفجاءة قالت لى.....
*وليد نسيت اأقولك فى عميل كان عندى ميعاد معاه بكرة فى الشركة ممكن تقابله بالنيابة عنى..وتعمل معاه اللازم ..وماتخفش نسبتك فى بوليصة التأمين محفوظة..
احلى حاجة بتعجبنى فى الناس دى ان التعامل لما يجى للشغل لازم يكون رسمى
من ساعة مادخلت وميشيل بتندهنى ببيبى لكن لما جاه شغل على طول كلمتنى باسمى
وعدتها انى حااقوم باللازم ...وودعتها.
. ومشيت
وصلت البيت ..وخير الله اما اجعله خير.. ياساتر يارب...
فيه ورقة ملزوقة على باب الشقة
ايه ده
اعلان من محضر بدفع نفقة مستحقة ..هى كندا برضه فيها النظام ده
والا خيبة
تكون فيها اعلان بالطرد من الشقة ..ده انا لسة مأجرها
فتحت الورقة بسرعة
وقعدت عالكنبة ااقرا ايه اللى فى الورقة
عزيزى..وليد
اسفة انى جيت من غير ميعاد
لكن احنا جيران وكنت عملت فطيرة تفاح فقلت اعدى عليك واذوقها لك كانت ح تعجبك اوى بس خسارة مالقيتكش
عموما المرات جاية كتير
امضاء
مونيكا
هههههه :D ضحكت ..هم برضوا الاجانب عندهم الحاجات دى...
كويس الواحد من هنا ورايح ح يستغل مونيكا
والامر مايسلمش.. يمكن احتاج حبة سكر حبة.. ملح ..آهو برضوا الجار للجار
فيه صوت غريب ايه ده
..بيب بيب بيب.. صوت رفيع.. بيب بيب بيب
اه ...ده صوت الانصرماشين ..ومين بقى ده اللى سايب لى رسالة ده
دوست على الزرار
هاى يابيبى... لما توصل البيت كلمنى ضرورى عاوزاك فى حاجة مهمة..
دى ميشيل
بسرعة طلبتها
-خير يا ميشيل ايه اللى حصل?
*مافيش حاجة يابيبى ماتقلقش
*كنت عاوزة اسألك ايه رايك فى سوزى صحبتى
-كويسة... ليه بتسألى?
*تصور يابيبى انها معجبة بيك
-لأ..بجد ياميشيل
*بجد يابيبى ..وكمان طلبت منى انى اديك رقم تليفونها علشان تكلمها
-طيب واما اكلمها ااقولها ايه?
*ده كلام برضوا يابيبى.. بقى انا اللى حاأقولك تقولها ايه ..كلمها واعزمها على سينما ..وبعد كده اعزمها على العشا ...وبعدين انت عارف الباقى يابيبى ..والا دى كمان حااقولهالك
*بيبى ...بيبى...... ساكت ليه?
-بافكر ياميشيل...
*طيب يابيبى.. حاأسيبك تفكر وانا ادخل انام.. تصبح على خير يا بيبى
-وانتى من اهل الخير يا ميشيل
وقفلت السكة
ومددت على السرير.... افكر... ياترى حاأعمل ايه بكره فى اول موعد غرامى فى كندا....
يتبع........... </div>