قالتلي بحبك
هو الحب كلام يتقال؟
ولا جواب وعتاب وسؤال؟
ولا يا عيني يا ليل موال؟
قالت عادت أيوه بحبك ..
دا انا على شانك ياما سهرت
حبك صابني أخدني وطرت
صدق بقى خلتني احترت
دا انا يا حبيبي دايبة ف حبك
قالت عادت ايوه بحبك
كل غرامها كلام ف كلام
لمسة وهمسة بشوق وغرام
لكن نعمل ايه لأدام
قالت عيش اللحظة .. بحبك
قالت عادت ايوه بحبك
عمر الحب ما حب العتمة
هي الشمس تحب الضلمة؟
ولا الخوف بيحلي الضمة؟
قالت سيبك .. سيبني احبك
قالت عادت .. ايوه بحبك
عدت بينا كتيرة سنين
عشنا اللحظة بقلب حزين
ولا عارفين على فين رايحين
قالت عادت .. لسه بحبك
بعد سنين العمر .. بحبك
أيوه بحبك
*****************