مبدئيا مواد اولي ثانوي سهلة مش صعبة
يعني انت لو ركزت شوية في المذاكرة هتلاقي الحكاية سهلة بس انتي اللي مصعبها علي نفسك
كتير اوي منا مش بيذاكر في اول السنة بس بيجي اوقات الامتحانات بيذاكر كويس و يضغط علي نفسه علشان
السنة تعدي
انا عن نفسي يمكن ما كنتش بذاكر من اول السنة بس لما الامتحان كان بيقرب كنت بضغط علي نفسي في
المذاكرة و بحضر شرح المرجعات النهائية مع مدرسين شرحهم كويس اوي .
_لو عايز تبدا المذاكرة صح يبقي لازم تبدا بالمادة اللي انتي بتحبها او اللي انتي فاهمها كويس
_ اعتمد في مذكرتك علي الفهم لانك لو دخلت الامتحان فاهم تقدر تجاوب علي اي سؤال
انما لو دخلت الامتحان وانتي معتمد علي الحفظ و الصم بدون فهم ممكن تنسي اللي انت حافظه و ساعتها
مش هتعرف تكتب حاجة علي عكس لو كنت فاهم
علي فكرة مهم اوي انك تعتمد علي كتب المدرسة بجانب الكتب الخارجية ولازم تختار كتب اسلوبها كويس و انت
متعود عليها
_ مواد اولي ثانوي مش محتاجة دروس خصوصية الا في اللغتين ( اللغة الانجليزية - اللغة الاجنبية الثانية )
متهيالي بقية المواد مش محتاجة دروس
يمكن بس اللغات هي اللي بتحتاج انك تاخد فيها علشان تتاسس صح و بالذات اللغة الاجنبية الثانية
* مادة الاحياء : مادة حلوة اوي و منهجها سهل جدا لو اتبعت الاتي :
1- مذاكرة الدروس اللي بتاخدها في المدرسة اول باول
2- لازم تذاكر الرسومات اللي في منهج الاحياء كويس و لازم تدرب نفسك علي رسم تلك الرسومات كتير و بمرور
الوقت هتلاقي نفسك اتعودت و بقت الحكاية بالنسبة لك سهلة
3- لازم تقوم بمراجعة مستمرة علي بتاخده في المدرسة و لازم تتابع شرح مدرس الفصل لانه هيسهل عليك
حاجات كتير
* مادة التاريخ : التاريخ مادته سهلة جدا و برضه محتاجة متابعة مع مدرس الفصل و سهل اوي انك تعمل منهج
تاريخ اولي ثانوي ( سؤال و اجابة ) الطريقة دي هتسهل عليك كتير اوي بس اهم حاجة المراجعة
المستمرة علي بتاخده في المدرسة
* مادة الكيمياء : محتاجة انك تحفظ المعادلات اللي في الكتاب و تفهمها كويس
* ملحوظة : لاحظ من كلامي اني ذكرت المدرسة كتير اوي و ده لان مهم اوي انك تحضر شرح مدرسين المدرسة و لازم تكون منتبه لشرحهم لانك لو تبعت شرح المناهج في المدرسة و انتبهت
لشرح المدرسين مش هتبقي محتاج لدرس خصوصي الحاجة الوحيدة اللي هتبقي محتاج لها انك تروح تراجع اللي اخدته في المدرسة في البيت
اتمني اني اكون قدرت افيدك
و ربنا يوفقك دائما
|