[**تسابيح**]

المشاركة الأصلية كتبت بواسطة BaNZeR

كلامك كله سليم وانا متفق عليه
عشان كده بقول الحل الوحيد حييجي من ناحية الآباء مش من ناحيتنا

اصح طريقة للتعامل في هذه الظروف
إنه الاب يتحكم في ابنه لحد مثلاً فترة ابتدائي
زي ما بيقولو كده العجينة التي يتم صياغتها

بعد ما تكبر خلاص محدش حيعرف يغير خصائصها غير باستخدام درجة حرارة عالية للانصهار(خناقات يعني)

لان الواحد وهو صغير مبيكنش فاهم حاجة ومستني اللى يرشده
لكن لما بيكبر بيحس إنه يقدر يعمل ولازم يكون ليه رأيه
وبرده الجو اللى حواليه بيثير فضوله

يعني خلاص المفروض لما يكبر يتساب هو واللى اتعلمه
اي نعم مش الحرية المطلقة بس يكون الامر مفتوح

وبالتالي إن مكنش معاه مبادئه لما اتشكل خلاص متحاولش بالتخبيط عشان مش (يتكسر)

واللى عايش المشكلة دي بقى ربنا يعينه

ع فكرة أقصد الشباب في سن التمرد من 16 وحضرتك طالع
أما أبتدائي زي ما سيادتك اتكرمت وقلت أن يبقي زي العجيبة
وحتي كمان لنصف اعدادي وبعد كدا
بينقسموا الشخصيات اثنين ناس متمردة وبتظهر التمرد وناس متمردة برده
بس بتخلي تمردها من ورا اهلها
اه فعلا فيه أهل بيدوا لأبنائهم الحرية مع المراقبة
بس الأهل دول لحد كبير عارفين أنه مفروض كدا
فيه ناس أهالي عقيلتهم كدا كله ** لا لا لا**
مش هغير موقفي مهما حصل مش هغير
هو دا اللي اقصده
السلطة المطلقة والنتائج في الآخرة بسبب اندافع بعض الشباب
بيعملوا اللي الاهالي منعوه منهم وممكن يضروا نفسهم
دلوقتي الأهل رافض والشباب عايزين الأهل يعملوهم
بطريقة مختلفة وبتفكرهم هما
فيه ناس هتميل وناس ثانية مش هتميل
والنوع الثاني هو اللي بيحصل
انا بسمع حاجات كثيرة مثلا كان فيه واحدة طلبت من اهلها
انها تروح بيت صاحبتها أهلها رفضوه
راحت هي لصاحبتها من ورا أهلها
انا شايفة اني مع أهلها مينفعش البنت تروح بيت أي حد كدا
لكن بردوا معترضه عليهم أنهم مش قالوا للبنت السبب الحقيقي
وكانت الاجابة بتاعتهم **لا لا لا** مفيش مناقشة ولا حاجة
تفتكر لو فيه موقف زي دا الاب معترضة
يبقي أكيد الابن او الابنة هي اللي لازم تعمل حاجة
هو أه المفروض علي الأهل اللين وكدا
لكن فيه أهلها مش فاهمة الواقع أنهم بسبب أعتراضهم بدون اسباب
بيدمروا ابنائهم !

فهمت حاجة
انا رغاية انا عارفة
انا مش هخرج حد من الموضوع اللي لما نضع النقط نفوق الحروف
ونطلع كل اللي جوه الأعضاء وخبرتهم كل حاجة
شكراا ع ردك