[د/بسمة الاسلام]

السلام عليكم ورحمة الله وبركاته
قصيـــــــــــــــدة
يااللى أنت رافض تعترف باسرائيل للشاعر محمد جوده
أهدى كلماتها لكل حر شريف رفض الآعتراف بهؤلاء المجرمين


بكفك العريان بجوز عيون متشبعين ايمان بتوقف العدوان


بتعيد كتابة الوطن مابين حدود الخريطة بفكرة سهلة وبسيطة
ان انت رافض تعترف باسرائيل

انت الدليل اللى باقى فى دفتر الآوطان على انها مش سبيل
حاضن مفاتيح البيوت وبتعمل المستحيل واقف كده بالطول تتطخ الطيارات
بكف اخوك اللى مات وبدمعة امك وبسكات سبحة أبوك
وبسفسفات البرد فى الليل الطويل

ياللى أنت رافض تعترف باسرائيل
كان شىء طبيعى ان الجميع لما يشوفوك
واقف بترمى شباكك المغزوله
من شعر البنات السمر تصطاد القمر
يوقفوا معاك ويعطلوا بايديهم الاسلاك
ويموتوا من خوفهم عليك ويموتوا من شوقهم فداك

لكن أخوك فى الجب يايوسف رماك
وحرض القاتل عليك ورمى عليك الشباك

كان شىء طبيعى ان القدر يرمى بحجر فى سكة الطوفان
لكن الزبد والريم اللى مقضى العمر يترقص على نغم السلام زعلان
ازاى بكلمة تفضحه وازاى تخلى اللى مضوا ورق السلام يترنحوا

أنت بصراحة ياصاحبى أحرجت الجميع وأنت اللى غرقان فى الدموع
شايف ملاك الموت عمال بيجرى مايلحق هنا وهناك ودموعه نازله
هو عمال يشد العيال والامهات بتشد
يبكى وتبكى القلوب والعددات بتعد

كان شىء طبيعى وانت وسط الحصار
بايدين اخوك اللى بيبنى الجدار
انك تسلم للعدا اقلام وكراسيس الصغار
وعيونهم اللى فتحت على حلمها تشوف النهار
ولاحد كان يقدر يقولك ليه؟؟؟

ومادمت مختار الوطن يبقى بناء عليه
اعرف باءنك حلم بيرواض بنات الحى اعرف بانك ضى
اعرف باءنك نبى ساكن فى اخر مدينه
اعرف باءنك سفينة فى وطن غرقان
انسان بيخطف حبيبته من ايدين الشيطان
فنان بيعزف لآخر لحن فى الوجدان
رسام بيرسم مطر نازل على الوديان
يجرى مابين الزروع يسقى شجر عطشان
اعرف باءنك فارس الفرسان

اعرف باءنك لسان طالع جدار الخرس
اعرف باءنك حرس حارس بيبان الناس
اعرف باءنك فاس عازق عيدان الظلم
كراس تاريخ غير اللى فيه العار
غير اللى فيه العملا والتجار
وطريق لكل اللى حبوا عيشة الآحرار


ياللى أنت واقف فى قفصهم جريح

مسجون ومتحاصر صحيح
لكن بتوقف عنفوان الريح