ايه يا شباب بس اهدوا شويه
الموضوع مش مستاهل الكلام ده كله
نتكلم بهدوء احسن من كده الأهلي أو الزمالك كلها أندية مصرية وبتلعب وانا أهلاوي صميم بس حازم امام من الناس القليلة اللي بحترمها في الزمالك بس خلينا نتكلم بعقل وبهدوء احنا اخوات مهما كان
بالنسبة لكلام شوبير في البرنامج ده مش معناه خالص يا مازن ان الاهلي عايز يشتري حازم امام
شوبير بيسأل
- لو الأهلي عرض عليك تروح ؟؟
بعد تفكير ثواني جاوب حازم
- آه هروح.
بس ده اللي حصل
لا للامانه كان في كلام بعده من شوبير عن تاريخ عائلة إمام الزمالكوية أبا عن جد " حمادة ويحيي إمام " بس حازم قاله وهو الزمالك عملهم ايه بردوه
المهم كلام شوبير ملهوش علاقة بسياسة الأهلي في شراء اللاعبين
ثم أنا عايز أسأل سؤال
حازم مش هو حاليا في الزمالك ؟؟
طيب ليه مش بتلعبوه وتسيبوه ياخد فرصته ؟؟
اعتقد الإجابة لأن المدير الفني ولأن ولأن ... إلخ
يعني السياسة في نادي الزمالك مش هنتكلم عليها لأنكم كلكم عارفين الأزمات
أما بقي عن سياسة الأهلي في بيع اللاعبين
في حاجه اسمها مصلحة النادي وحاجه اسمها اللي بيبذل مجهود مكانه مضمون في القايمة الاساسية غير كده مفيش غير دكة الإحتياطي
يعني بالنسبة لفاروق ورضا عبد العال و.. و.. مستواهم قل مش من الركنة ولا حاجه هم مش اتركنوا إلا لما مستواهم قل وفي مجهودات تانيه ظهرت وفي النهاية كلهم بيلعبوا بفانلة الأهلي " أظن دي سياسة كل الأندية المحترمة "
لكن اللعيبة اللي تدفع فلوس لمدير فني علشان يلعب " زي ما كان بيحصل أيام فاروق جعفر والله أعلم " دي مش نافعه خالص
بس عايز اقول كلمة أخيرة يا جماعه مفيش مقارنة بين سياسة الأهلي والزمالك
وابسط دليل مفيش رئيس نادي عندنا طلع هزق لاعب في الصحافة وقعد يقول انا عملتله وانا دفعتله وانا وانا
ودليل تاني أن اي لاعب بيمشي من الأهلي سواء هو اللي طلب أو الإدارة قررت عرضه للبيع أعتقد لو سألته عن النادي الأهلي هيذكره بكل الخير
.
.
شكرااااااااا
.
|