اولا السلام عليكم ورحمة الله وبركاته
ثانيا انا اسف جدا اني دخلت المنتدى سامحوني انه دخلتوا بس اعتبروها المرة الأخيرة لي
أنا عارف اني قلت مش هدخل تاني وفعلا مش هدخل تاني بس انا فعلا لازم أشكر كل الناس اللي هنوني بيوم ميلادي قبل موعده فيوم ميلادي لسة يوم 1/12 بس محمد البري سبق في الموضوع يعني
طبعا محمد البري عمل الموضوع بالرغم من رفضي الشدي لعمل ذلك الموضوع ولكن اشكره وبشده على ذلك الموضوع والذي أجبرتني ردوده على ان اشكر كل من قاموا بتهنئتي في ذلك الموضوع كان لزاما علي ان أرد عليهم واشكرهم جميعا
وانا الآن أقدم خالص شكري للجميه
واسف يا دكتور محمد واسف يا مومي واسف ليك يا استاذ محمد عياد واسف ليكم كلكم صدقوني مش هقدر أكمل
انا بقول الكلام ده غصب عني لكن ما باليد حيله فقد جاء علي وقت من الاوقات من أج من يدافع عني حتى اقرب الناس الي واصدقائي الذين عزهم وجدت نفسي احمل هما كبيرا وصورة سيئة طبعت وحفرت في قلوب الكثير والكثير منكم حتى انا حينها لم استطتع الدفاع عن نفسي ليس هروبا ولكن حياءا من أن أكون ممن يتحدثون عن هذا وهذه ففضلت الصمت وفضلت الإنسحاب التام بهدوء يعلم الله كم احببتكم وانا الآن والحمد لله في افضل حال بشعوركم النبيل الذي اراه منكم الآن
انا اعرف ان كلامي غير مرتب وغير منسق وبجيب حتة من هنا وحتة من هنا بس انا بصراحة مش عارف أقول ايه
كل اللي هقولهلكم
المنتدى ده أمانة معاكم
أمانة معاك يا استاذ بورسعيدي وأمانة معاك يا استاذ جمعة وأمانة معاك يا استاذ عثمان وامانة معاكي يا مهرة وامانه معاك يا عبقرينو أمانة في يد كل عضو ومشرف وبالخصوص مشرفي القسم التعليمي الذين يحملون مسؤلية كبيرة في عاتقهم
حافظوا عليه
اكملوا ما لم أستطتع انا أن اكمله
خالد الجن وحشتني مواضيعك اوي يا خالد كنت من اشدد المعجبين بيك ياخالد يا ريت يا خالد لما تحط موضوع جديد ابقى ابعتهولي على الميل علشان استمتع بيهم من تاني
فتاة الإسلام أشكرك لشعورك فعلا يا علا الغربة وحشة أوي نفسي أرجع مصر تاني بس غصب عني لاني مرتبط بعقد
استاذ محمد عياد أشكرك على أغنيتك الرائعة التي هي شرف لي أن تكون من حضرتك وانا اعتبرها وسام على صدري
سما شكرا لردك بجد مش عارف أقولك ايه
مشمشة شكرا ليكي بجد وعموما عبد العظيم ولا عبد العزيز كلهم عباد الله مش فارقة كتير
_THE_SAD_SMILE أشكرك بشدة على شعورك الطيب
الشاعر الصامت أشكر بجد وبقولك وحشني شعرك
القطة الروشة اشكرك بشدة على مشاعرك الطيبة
تويتي جيرل يا رب تكوني بخير وتكوني مهتمة بمذاكرتك كويس علشان تعوضي اللي فاتك السنة اللي فاتت وتدخلي لكلية اللي بتحلمي بيها واشكرك على شعورك التي تمنيت أن تكوني من المدافعات عن خلقي حين اتهمت بالباطل بس عموما اللي فات مات وانا مش زعلان
يوري وحشتني أوي ووحشني النقار معاك ربنا يعلم انتا بحبك اد ايه في الله ودلوقتي بقى من حقك تقول فين زيزو المشرف الإداري اللي اتحمل مسؤلية ومطلعش ادها
شاعر الحب وحشني شعرك الرومانسي ووحشني أوي قراءة مواضيعك الشعرية واشكرك على شعورك الرائع
محمد البري كاتب الموضوع ومثير المفجأة أشكرك يا محمد على كلامك الجميل وهداياك لجميلة
اشكر كل من هنئني قبل الموعد ومن سياتي ليهنئني بعد ردي
ولكن قبل أن أذهب اود أن ارسل رسالة الى الأستاذ اشرف مدير الموقع عبقرينو مان
أوجه لك من هنا رسالة
الموقع بي او بغيري سيستمر بجهدك وجهد كل عضو فيه باستثنائي فأرجو منك انهاء كل مهامي الإشرافية واسنادها لمن هو احق مني بها
وبذلك أكون قدأرحتك حين طلبت أن يجرى استفتاء لإنهاء مهامي الإشرافية في أحد المواضيهع التي حذفت كانت صدمتي الكبرى يا مدير الموقع وانا الآن اعافيك من تلك المسؤلية وعمل ذلك التصويت بإبقائي بالموقع من عدمه
فانا اطلب منك ان تحذف مهامي الإدارية كلها وعضويتي بالكامل ان اردت ألا أكون عضو بينكم دون اي استفتاء
وأخيرا اهدي سلامي لكم جميعا لمن صدق اني ا ظلمت أم لم يصدق
وأرجو من اي احد ظلمته ان يسامحني
|