اقتباس:
|
عاوز اسالك كام واحد كل سنة بيجيب امتياز
|
هههههههه ايه يابنى انا هاعدوهملك ؟
عدد اللي بيجيبوا امتياز بيبقى متوقف على كذا حاجة
- مستوى الامتحانات (صعب ولا سهل)
- الدكاترة اللي بيدوك (رخمين ولا ايزي)
- التصحيح نفسه (الدرجات بالقطارة ولا فيه كرم)
ومع ذلك معظم اللي بيجيبوا امتيازات تلاقيهم فى المجموعة المميزة
مش معنى كدا ان باقى المجموعات تعبانين .. بس القصد ان دوافع طلبة المميزة اكتر في انهم يجيبوا تقدير
اقتباس:
|
وهل التصحيح بيبقى زى ما الواحد متصور ولا لأ
|
على حسب اسم الدكتور
يعني مثلا شوقى بشادى / ايمن عشوش / هالة عبد الحليم دول زبالة في تصحيحهم
لكن تيجي لدكتور زي هشام البحيرى / سعيد ضو / على فهمى / مجدى نصار / على شاكر
دول تصحيحهم كويس .. بس مش معنى كويس انه يديك درجات وانتا ماحلتش حاجة
اكيد لأ طبعا .. بس كل الموضوع انه بيتهاون معاك
يعني مثلا انتا في جزئية ناقش لو فيه سؤال انتا كتبت فيه بس مش اوي ممكن يديك 2
في الوقت اللي لو دكتور تاني من الرخمين صححلك نفس السؤال ممكن يديك 1
مثال تاني .. انك التوتال في المادة جيبت فيه 8 وباقيلك درجتين ع النجاح ..
ممكن هوا يديهوملك من غير ماتحتاج للرأفة
في الوقت اللي لو دكتور تاني من الرخمين صححلك نفس السؤال هايثبتهالك على 8
وممكن يعقدك في حياتك ويديك 6 وساعتها انتا شايلها شايلها لا محالة .. لان الدرجة دي مالهاش رأفة
اقتباس:
|
لسة لحد دلوقتى ما خلصتش امتحانات اعلام لسة اخر امتحان يوم السبت
|
ربنا معاك يا مان .. ولو ان كليتين في نفس الوقت دي بتبقي حاجة تقيلة