يا جماعة انا اسف على اللى هاقوله بس دا من واقع تجربة شخصية ليا واكيد محدش هيصدقها بس لازم اقولها علشان الكل يعرف الخراب اللى وصلتله هذه الوزارة واخر ما توصلت اليه للعمل بحرية واخذ الحق فقط مش غير الحق
انا متعاقد بقالى حوالى 6 سنوات الغريب ان فى ناس اتعينت بعدى وتاريخ تعينهم 2005 وانا متعاقد من 2004 ازاى متسألنيش
المهم فى يوم من الايام حب المدرس دا انه ياخذ الفصول اللى معايا اكننا شغالين فى عزبة او طابونة الباشا مش عاجبه فصوله وعاوز الفصول اللى معايا وعلشان هو مسنوووووووووووووووووووووووووووود
المدير بدا يكلمنى الاول انه هياخد الفصول اللى معايا ويدهاله طبعا انا عملت عنتر وقلت لا ازاى مينفعش بدا المدير يضغط عليا مرة ومرة ومرة وانا اطيع الاوامر بعد فترة وبعد التعاقد المميز شكلى معجبش المدرس دا فجاة اكتشف انه مش طايقنى وقال الكلام دا للمدير والتوجيه طبعا التوجية قام بدوره بكتابة ملاحظات وهمية وتقارير وجزاءات المهم كل دا علشان ينقلنى من المدرسة كتبت تظلم ومن غير المدير ما ياخد باله مضيته على ورقه تفيد ان فيه عجز بالمدرسة وطلعت بالكل على الوزارة وجبت تاشيرة من الوزير يسرى الجمل محولة الى السيد الموجه العام بالمديرية اللى قام بتحويلها الى الموجه الاول بالادارة ونص التاشيرة كالاتى : السيد موجة اول ............. بادارة ........... برجاء تحديد ما اذا كان هناك عجز بمادة ....................... فى ادارتكم ولسيادتكم جزيل الشكر
طبعا الورقة راحت للسيد الفاضل الموجة اللى رد عليها رد عجيب لم ارى ولن يرى اى شخص فى اى مكان بالدنيا رد مثله كتب الباشا التوجيه ليس جهة الاختصاص ايوة كتب بالنص التوجيه ليس جهة الاختصاص طبعا انا اتجننت واعتقد ان اى حد مكانى لازم يتجنن المهم مسكت الموجه الاول ومعاه اتنين كمان ضربتهم ايوة ضربتهم وراحوا عملولى محضر بالقسم وروحت انا كمان عملت محضر وتقرير طبى وحاجات تانية كتير العملية اصبحت استعراض قوة الكل بيحارب وانا علشان مظلوم ربنا وعدنى بواحد مفترى اتبنى قضيتى من غير ماعرفة ومن يومها وهما فى التوجية يعمللولى الف حساب لا اتنين مليون حساب واى مدير اتنقل عندة يدينى الجدول الاول على بياض احط جدولى زى ما انا عاوز................................
المهم انا عارف ان كلامى دا مش هيعجب حد وناس كتير هتعلق بس بصراحة انا قلت لازم احكى عن التجربة دى والله العظيم حصلت معايا بالنص وما زودت كلمة ولا نقصت وكل داعلشان اعرفكم مدى الفساد اللى اصبح بهذه الوزارة وازاى تعرف تتعامل مع الناس اللى فى الوزارة دى حاجة من اتنين اما تكون مسنود واما تكون بلطجى
|