[الأستاذة ام فيصل]

المشاركة الأصلية كتبت بواسطة samir elamir

مش الحكايه "البرادعى"
ولو انه عالم كبير
الإسم مش مشكله
ولاد بلدنا كتير
لكن الحكايه ازاى
يتحقق التغيير؟
دى عايزه قومه قويه
تبدل الدساتير
وتساوى بين الناس
مفيش غنى وفقير
ولا ميراث غير شرعى
ولا كدب ولا تزوير
ولا رجال أعمال
ما عندهومش ضمير.

مش الحكاية البرادعى
ولو انه مصرى أصيل
لكن الحكايه إن مصر
بلد الهرم والنيل
تقلع تياب القهر
و العدل يبقى دليل
تلبس تياب العصر
ده العلم توبه جميل.

الاستاذ الفاضل
اولا احييك على روحك الوطنيه العاليه وعلى احساسك الرائع
اللي يحس بمعاناة ابناء جنسه والا ماكنت كتبت هذه الكلمات الرائعه
ده الحكايه هي مصر
بلد الهرم والنيل
تقلع تياب القهر
والعدل يبقى دليل
تلبس تباب العصر
ده العلم توبه جميل
بجد احلى ما قرأت تسلم ايدك ربنا يوفقك
تقبل تحياتي وتقديري واحترامي يامبدع