[الاستاذ عوض على]

كان جه عليا يوم
حسيت إنى انتهيت
وتعبت م الهموم
ومن كلمة ياريت

لحد ما انت جيت
وعلى قلبى هليت
هربت م الهموم
وم الفرحه بكيت

وادينى اهو باغنى
وبارجع للتمنى
ما تقوم انت كمان
هات الناى والكمان
يا عمرى وقول كمان

لو فات عليا ميت سنه
هافضل أنا زى ما انا
وان النجوم استغربوا
ولا القلوب جم يسألوا
جمعنا إيه
رغم البعاد
وفرحنا ليه
من غير ميعاد

قول يا حبيبى قول لهم
لا أنا ولا انت ولا السهر
دى حاجه فوق علم البشر