اقتباس:
المشاركة الأصلية كتبت بواسطة لمى 2016
و الله يا جماعة فكرتكم حلوة
مش فكرة انكم عاملين توبيك
بس فكرة انكم عاوزين تساعدو بعض على انكم تقفلوا المادة
و طبعا من واقع خبرتى الكبيرة جدا((بهزر طبعا))
على فكرة انا مش قفلت الخمسين لانى نقصت نص درجة ف تالتة
الحمد لله على كل حال
بس حابة انبهكم لحاجة صغيرة خالص
عمر ما حد خطه وحش ممكن يقرب م الخمسين ابدا
حتى لو كان مولود ف نيويورك
مستحيل
ليه بقى؟؟
لان اللى بيقلل درجات معظم الطلبة
هو موضوع التعبير composition
لعدة اسباب اهمها الخط الردىء
لان المواضيع دى مش بتتقرى
هو المدرس غالبا بيلقى نظرة عامة على الموضوع
لو كان شكله كويس من حيث الخط و انك تسيب سطر
و يا سلام لو عامل مسودة
و مش شاطب كتير ف الورقة
و الخط مش كبير اوى
الورقة دى مش بتنقص اكتر من نص درجة ف اسوء الظروف
كان المستر بتاعى دايما يقول
ان الورقة بتكون اشبه ما يكون بالتفاح
كل ما كانت بتلمع اكتر كل ما كان طعمها احلى((درجتها اعلى))
عشان كده حاولوا على اد ما تقدروا انكم تحسنوا خطكم
و تكتبوا مسودة عشان لو فيه اخطاء و انتو بتنقلوا تبقوا تصلحوها
عشان مش تبقوا شطبتوا ف الورقة كتير
بمعنى انكم هتفتحوا كراسة الاجابة عند و رقتين ادام بعض لازم يبقوا ادام بعض
الورقة اللى على الشمال بتكتبوا فيها من فوق
draft 1
دى بتكتبوا فيها افكار التوبيك اللى هتتكلموا عنها
يعنى لو هتتكلموا عن السياحة ف مصر
هتكتبوا ف المسودة الاولى دى
importance
sources
fields
و هكذا المقصود انكم تكتبوا عنصر واحد تتكلموا عنه
مش تكتبوا جملة كاملة
ف النص التانى من الصفحة هنكتب
draft2
دى بقى هتكتب فيها نص الموضوع نفسه بس من غير نظام و لا حاجة يعنى زى ما تكون بترتب افكارك كده
و مش بتسيب سطر و بتشطب و كل حاجة لان دى مسودة مش اكتر
خلصت الصفحة و انت الموضوع بتاعك لسه مش خلص يبقى خلاص مش تكمل ف الصفحة اللى ادامها لاء هى كده المسودة خلصت
ف الصفحة اللى ادامها هتكتب الموضوع بقى
طبعا بنسيب مسافة ف الاول و بنسيب سطر انتوا عشان لسه ف تانية مش بيبقى مطلوب منكم غير فقرة واحدة
مش تعملوا فقرتين لاى سبب لان ده بيعصب اللى بيصحح
بنكتب بخط كويس و بنظام
نحاول نراعى علامات الترقيم الواضحة اللى هما تلاتة
اول الجمل capital letter
ف اخر الجمل full stop
و ف اخر السؤال question mark
و يا ريت نبعد عن فكرة اننا نكتب اسئلة جوا الموضوع
انتوا ايوة ممكن تلاقوا مواضيع مكتوبة فيها اسئلة
بس دى كتابة اكاديمية يعنى اعلى من المستوى بتاعكم شوية
نحاول نبعد عن الاخطاء الاملائية قدر المستطاع
يعنى لو كلمة مش عارفها متكتبهاش خالص احسن
و بيكون من الافضل لو تكتب تعليق ف الاخر
بس لو معرفتش خلاص مش ضرورى
بس و كتبت تعليق بيبقى ف فقرة لوحده
يعنى بنسيب قبله مسافة
و مش بيزيد عن جملتين
انا كده قولت كل اللى انا فكراه
متستهونوش بالكلام ده دا خلاصة تجارب
ربنا يوفقكم يا رب |
اولاً استاذة و رئيسة قسم ما شاء الله و شكراً جداً و الله انك مبخلتيش باللى عندك و انتم السابقونو نحن اللحقون ^^ و نورتى يا فندم