اقتباس:
المشاركة الأصلية كتبت بواسطة احمد2008
هو ده اللى انا بقصده بالضبط انا الحمد لله كويس بس زمايلى اللى انا ضيعت علشان خاطر عيونهم ساعات كتيير فى حل مشاكلهم الخاصه وانا اقصد واحد منهم بالتحديد اللى كان عنده مشكله وعلشان احنا اصحاب بجد من زمان قوى من ايام مكنا فى الابتدائى كان بيقولى على كل مشاكله لانى كان بيعتبرنى اخوه الكبير .ايوه كان لحد ما جانى فى يوم وقالى انا عارف ان انته اشطر منى بكتير وانا عارف ان انا ضيعت عليك وقت كتيير .. فانا رضيت عليه بسرعه قبل ما يكمل كلامه وقلت له عيب متقلش كده احنا اخوات وعنيه دمعت قدامه ومقدرتش امسك نفسى لانى كنت باعتبره فعلا صاحبى بجد والايام بتجرى وانا مش حاسس وعامل نفسى الصديق الوفى وبعد كاااام شهر اعرف انه بيقول عليه كلام وحش ويقول احمد ده ولد خبيث بيذاكر ويجى يقولنا ان هو مش بيذاكر ويقول ويقول وانا بحكم ان هو صديقى الحميم كنت مش بصدق أى كلمه بتتقاللى لحد الشهر اللى فات بس لقيته مش بيكلمنى خالص وكل ما اقوله فى ايه ميردش عليه وكأننى عدوه اللدود الحكايه دية أثرت فيه جامد وكرهت المذاكره بسببه وزى ما قولتلك يا أخ احمد شعبان2009 بقيت باحلم وانا صاحى واقول لنفسى الدنيا دية بقت وحشه كده ليه ومعتش حد بيخاف على مصلحة حد.. وعلشان كده انا اتجهت لاحلام اليقظه للهروب من الواقع الأليم............................................ . انا عارف ان ده مش الموضوع اللى من المفروض ان انا أتكلم فيه فى هذه الصفحه بس انا مصدقت ان فيه حد بيسمعنى وبيهتم ولانك أكبر منى انا بسألك هل الدنيا كلها وحشه كده والا ...... سؤال محيرنى ومش لاقيله اجابه ياريت ترد عليه فى اقرب وقت ممكن
أخوك فى الله احمد2008
|
اخي بارك الله وقتك وعمرك
انا عارف ان الموضوع مش سهل عليك
ان شاء الله هحاول اكلمك النهارده علي الموبايل بارك الله فيك
السلام عليكم