إياك يا قلبي تحب واحدة
تنسى بيها حب تاني
اياك تكون زي اللي سبته
إياك تكون ابداً أناني
دلوقتي لو حبيت هتظلم
تجرح وقلبك قاسي جاني
خايف أحبك
أيوه خايف
مع إني شايف
حب هيحلي زماني
إياك يا قلبي تحب واحدة
تنسى بيها حب تاني
******
سابني حبيب من غير سبب
وياما سابني كتير في نار
وسابلي إحساس بالتعب
ندم ملامة و النهار
النهار شايفه قبالي
جاي يخلي الشوق يلالي
قالي هيجيب القمر
يعلم الطير ع الشجر
أحلى الأغاني
بس خايف
أيوه خايف
أحب واحدة أنسى بيها حب تاني
******
هتعيش تخاف؟ طب لامتى؟
قول نسيتك وعلي الصوت
يشمعنى هو ؟ سابك انت
خلا احساسه يموت
انساه خلاص عديه بقى
دا خسارة فيه لحظة لقا
اللوم عليه مش ع الهوى
تعالى يا حبيبي سوا
نحقق أماني
واياك يا قلبي
في يوم تخاف م الحب تاني
*******