زماااااااااااان اوى يا ولاد
كنت ايام اولى ثانوى
ايام الهطل
كنت اغيب يوم كامل عشان اتفرج على ممدوح فرج الساعة تمانية الصبح
وانا بطلت خلاص من زمان اتفرج
واشوف ال triple H
ياااااااااااااااه عالعظمة
ايه تقسيمة العضلات دى مش ممكن
الله يمسيك بالخير يا نمر يا مقنع
وييجى التانى كان شون مايكز
كان منظر فظيع اوى بينهم وكل واحد بيشد فى العضلات ولا الشحات مبروك(انسوا باتيستا دلوقتى)
ويمسك الميكروفون
وينزلوا على بعض شتايم وانا فرحان اوى......على الرغم انى مكنتش بلحق اترجم الكلام
غلبان وانجليزى على قدى معلش..!!!!
وبعدين
دن دن
دن دن دن
ييجى كين وساعات باتيستا وموسيقى بقى تهد البيت
وخلاص
جون مايكز يمكن اتثبت (ولو انها مش بتحصل)
ويقوم خابطه برجل كنبة على نافوخه
وتنتهى الحكاية المحفوظة بفوز شون مايكلز عادة.!!
================================================== ===============
عيشتوا المنظر ده
خلاص
ننقل على منظر تانى خالص
================================================== ===============
تقف على اول الناصية
تلاقى ياخويا
بنات ماشية بتتلكع عالصبح
سيبك منهم دلوقتى
وراهم بقى قدامهم
على يمينهم شمالهم
بص كده وبحلق
هتلاقى
خمسميت tripleH
والف باتسيتا ماشيين
وتلاقى الواد
ينفخ فى عضلاته
ينفخ
ينفخ
عشان يعنى آل الواد رياضى وجسمه عفى ومتقسم
الباى لوحديها
والسمانة لوحديها
ويلبس التى شيرت هيتقطع على جسمه....!!!
================================================== ================
سيبكم من المشهد ده
================================================== ================
وانا فى صالة الجيم
تجولت بين الالات انتظر دورى لاجلس على الالة لاقوم ب general
عشان اول مرة
وانظر على يمينى
الولد روحه هتتطلع عشان يشيل البار فاضى!!!!!
والتانى يصرخ صرخة بسام وهو يسدد
وهو ينهى المائة وخمسون ضغطا!!!!!!
ونظرت لنفسى واقول...
((يحى العظام وهى رميم )) سبحان الله!
================================================== =================
وده الموضوع اللى عاوز اقوله
حكاية الجيم وصالات الجيمنازيوم
حد جربها قبل كده
اكيد ولو مرة حد جربها
طب هى بقت موضة ولا حاجة
اتشليت من المشية المميزة لهؤلاء
انا قلت فى مرة اجرب
انا اصلا مفيش لحم وروحت طلع عينى عالفاضى
حد بقى يقوللى لزمتها ايه
غير الفشخرة اللى ملهاش لزمة
ياريت حد يقولى فايدة
يمكن اغير فكرتى عنها..
بليييييييز :D