ماأزفت من زفتى إلا قطور ----- الصبر طيب يابن الناس الطيبة------ طيب خد الحكاية دى عندك يمكن تصبرك على
مابلاك وتعرف إن اللى يشتغل فى التربية والتعليم يامه يشوف ------- 26سنه شغل لفيت مدارس الإدارة إلا
مدرسة بلدى -- واضحك لو قلت لك أن الإداره إنتدبتنى مره لسد العجز فى مدرسة بها زميلة فى أجازة وضع -
فقلت أصبر 3شهور إلى أن تعود من الإجازة -- رجعت يوم واحد وخدت إجازه عام كامل بدون مرتب -- ولم يكن
بمقدورى كملايين الغلابه إلا الصبر - ومرالعام لتعود الزميله لعملها فذهبت للإدارة لإلغاء الإنتداب فقابلونا بإبتسامة
وقالوا لى بكره -- فعدت سعيدا إلى المدرسة لأجد المفاجأة وهى (نقل الزميلة إلى مدرسة بلدها )فعدت إلى
الإدارة غاضبا فكانت التكشيرة والرد الطبيعى منهم (إخبط راسك فى الحيط)ولأنى عاقل لم أفعل--- وبعد حوالى
شهرين فوجئت بأحمد عتمان مدير التعليم بنفسه جاى ومعاه مدرس جديد ليحل محلى وإخلائى من المدرسه ---
ولكن لمدرسة أبعد وأيضا لسد العجز مكان زميله فى إجازة وضع تانى (وكأنى معين لسد العجز مكان إجازة الوضع)
وماحدث فى المرة الأولى حدث فى الثانيه بس هذه المره أخذت إجازه وسافرت لزوجها فى السعوديه ولم تعد إلى
الأن ------ ويكفى أن أقول لك أن معظم معلمى مدرسة قريتى من تلامذتى ولازال معلمهم العجوز سواح فى البلاد
لكنى عايش والحمد لله ----- وخد دى كمان -- ذهبت للسيد وكيل الوزارة السابق وعرضت قصتى كلها واستمع إلى
بإبتسامه رقيقه--- وكان رده على كلامى (احنافى أيام صعبه واحمد ربنا إنك لقيت لك وظيفة تعيش منها ) بعد أكثر
من ربع قرن عمل بلا مقابل لأان المرتب بيضيع فى المواصلات بيقوللى كدا-- لكنى عذرته لأنى كنت لابس قميص
جديد فصغرنى فى نظره وفكرنى تعيين جديد ولم يلتفت للشعر الأبيض ---وان الابتسامه اللى كان متابعها معايا
كان بيفكر فى موضوع تانى غير حكايتى --- وأنا بفكر أعمل نداء إنسانى للزميله وأقولها عودى للعمل -- يمكن
يكون فيه فى العمر بقية واتنقل لمرسة بلدى----- وهذه القصة من كتر الأسى فيها كانت كابوس من قبل ولكنها
أصبحت سببا للسرور وقربا إلى الله والصبر على الشدائد وخاصة عندما ترى بعض تلاميذك يجاورونك فى العمل
وحبهم لك رغم أنف القوانين الجديدة التى تعطيهم فرصة الترقية من دونك رغم حصولك على مؤهل مساو له لكن
هى دى الدنيا وهى دى إدارتنا واللى زعلان يخبط راسه فى الحيط وهم مشكورين لأنهم لم يحددوا نوع الحائط----
وشكرا والسلام عليكم
|