اقتباس:
|
يعنى لو احنا ثلاثه كل واحد هيدفع 50 ألف جنيه لغاية اما يكملو ال150 ألف مثلا
|
لا هوا في المسألة بيديك نسبة التوزيع نفسها
يعني في راس المسألة مثلا يقولك الآتى :
تقرر انشاء شركة اشخاص بين الشركاء محمود و كريم و سمير .. وقد اتفق الشركاء على توزيع رأس المال فيما بينهم بنسبة 2 : 2 : 1 على التوالى .. وكان رأس المال الكلى للشركة 200 الف جنيه .. احسب نسبة كل شريك من رأس المال
طبعا هوا في الامتحان مش هايقولك كدا .. في الامتحان هاتتلاقي موال تاني اصعب .. بس دي البداية مش اكتر
عشان تحسبها تشوف الاول راس المال الكلي للشركة كام .. هوا قال 200 الف
طب انا عايز احسب نصيب كل شريك من الـ 200 الف دول هاحسبهم ازااااي ؟؟
هاتقول .. نصيب الشريك في رأس المال = رأس المال الكلى × نسبة الشريك في رأس المال ÷ مجموع نسب توزيع رأس المال
وبالتالى ..
> نصيب محمود = 200 الف × 2 ÷ 5 = 80 الف
> نصيب كريم = 200 الف × 2 ÷ 5 = 80 الف
> نصيب سمير = 200 الف × 1 ÷ 5 = 40 الف
وعشان تتأكد انك صح .. اجمع نصيب كل الشركاء مع بعض
هاتتلاقيه انه مساوى لرأس المال الكلى للشركة اللى هوا 200 الف
والخلاصة ان مش شرط في المسألة يديك توزيع رأس المال بالتساوى ..
لأ ممكن يدهولك متوزع بنسب مختلفة زي ماشوفت كدا