[loza99]

يا سلام .....................
جت الفرصه علشان أشكر أغلي الناس عليا
هقولك حاجه يا مي
أنا طول فترة المدرسه كنت بعاني مش المشكله دي من وانا في ابتدائي لحد
ثانوي وكمان كنت قررت أن لا يوجد شيء اسمه (( صداقه ))
وقررت أن أنفصل عن العالم وعن الناس وأعيش وحيده لان ده الافضل (( زي ماكنت متصوره ))
لكن فجأه اكتشفت ان الانفصال ده مش هيوصلني لحاجه ابدا وكمان مكنتش مرتاحه
لكن فضلت كده من تقريبا الترم التاني لاولي ثانوي ولحد تقريبا اخر تالته ثانوي((نطوائيه جدا))
وابتديت اقرب تاني من الناس والزملاء ولقيت اني ممكن اتعامل مع كل البشر لكن بكثير من الحرص.

أما في المرحله اللي بعد كده (( الجامعه ))
كنت برده ناويه افضل كده حريصه جدا في كل تعاملاتي وفي نفس الوقت مش انطوائيه زي ما كنت..
المهم قضيت الترم الاول من سنه أولي كده..
وفي الترم التاني قابلت ناس (( أغلي الناس عليا ))
كنت برده حريصه معاهم وكنت برده واخده جنب
بس لقيت في عنيهم حب وتعاون عمري ما شفته ((لو عدي حرف في محاضره ما اخدتش بالي منه كانوا يقولهولي ))
مافيش ورقه او كتاب أحتاجه غير وفورا يكون معايا وبراحتي فيه مفيش منهم أي ضغط ..
دي كانت العلاقه اللي بيني وبينهم (( دراسيا ))
وواحده واحده العلاقه بينا تطورت وبقت يوم عن يوم بتقوي
انا عمري ماقابلت ولا حتي اتصورت اني هقابل ناس كده
النوع ده من الناس مش هقول انقرض لا .. هقول ان النوع ده اصلا عمره ماكان موجود
دلوقتي احنا مبنفترقش من اول اليوم ولا خره ومافيش حد في الدنيا بيخاف علي حد اد محنا بنخاف علي بعض

انا اسفه طولت عليكي بس نفسي اقول اسماء الناس دي
حبيبتي غاده الغاليه وحبيبتي ايمان ومؤخرا الغاليه جدا جدا سارهوفي ناس تانيه بس يعني مفيش داعي اذكر اسمها ..
احنا اكتر ناس في الدنيا بتخاف علي بعض

اسفه علي التطويل جدا جدا جدا واتمنالك انك تلاقي الصداقه دي يامي ياااااااااارب