النهارده إن شاء الله عندنا حاجه جديده
حبيت أجيب ليكم طبق جديد بنات كتير إشتكت ان الكيك مش بيظبط معاها في الفرن وبيهبط منها
النهارده هنعمل حاجه مش محتاجه فرن خالص محتاجه بس ثلاجه والحمد لله مافيش مشاكل في دي
ياله بينا ندخل في الموضوع علطول ونبطل سوالف
النهارده عندنا حاجه اسمها
 صنية البسكوت بالجيلي
طبعا ممكن أغلبيتنا يسمع عن الطبق ده
على فكره الحلوى دي جميله جدا وخفيفه وسهله خالص ومش بتاخد وقت في التحضير
تعالوا كده نشوف مع بعض
2جــــيلـــي
18ملعقه كـاســتر
6كوب حــلــيـــب
2ملعقه كـــاكــــاو
6ملاعق ســكــــر
2باكو بـســكـــــوت
3أكـــــواب مــــــاء
وللتزين كريم شانتيه(دريم ويب)
أول حاجه نعمل الكاستر (المهلبيه)نحط على النار 2كوب حليب ونحط عليه 2ملعقه سكر ونسيبه لغالي لما الحليب يغلي ونكون جهزنا الحليب نحط 9ملاعق سكر على ربع كوب ماء ونحط الماء براحه شويه شويه لغايه لما يكون الكاستر سائل
وبعدين لما الحليب يغلي نحط الكاستر ونقلب على السريع جدا لغايه لما يتماسك وبعدين نقفل عليه
نجيب الصنيه اللي هنعمل فيها ونحط فيها البسكوت بالشكل ده
وبعدين نجيب الكاستر(المهلبيه)ونحطها عليه
ونسيبها لغايه لما تبرد وتتحط في الثلاجه تجمد شويه
بعد كده نبدا في تحضير الدور الثاني منها
نجيب برضه 2كوب حليب ونحط عليها 3ملاعق سكر ونحط عليها 2ملعقه كاكاو ونسيبه لغايه لما يغلي ونكون حضرنا الكاستر(المهلبيه)ولما يغلي نحط الكاستر ونقلب برضه على السريع لغايه لما يتماسك وبعدين نقفل عليه يبرد شويه وبعدين نحط البسكوت بالشكل ده
وبعدين نحط الطبقه الثانيه من الكاستر(المهلبيه)
بعد كده نحطها في الثلاجه تاني لغايه لما تجمد شويه
نبدأ بقي بتجهيز الطبقه الثالثه والاخيره
طبقه الجلي
طبعا انا عايزه طبقه تجمد باسرع وقت ويكون لونها فيها
نقوم قدر(حله)ونحط فيها 3 أكواب ماء ونسيبها تغلي على النار
وبعد كده نحط 2ملعقه سكر وبعد كده نحط الجيلي ونقلب برضه على السريع
وبعدين نحطه في في أي حاجه غويطه ونحطها شويه في الفريزر علشان تبرد شويه
(انتبهي علشان مايتجمدش منك)
وبعد مايبرد شويه نحطه على الصنيه بالسكل ده
ونحطها في الفريزر الى أن يتجمد تماما
وبكده يكون طبقنا إنتهى
خطوات عمل الكريم شانتيه(الدريم ويب)
ربع كوب حليب على 5ملاعق كريم شانتيه ونخلطهم الى ان يتجمد
نيجي بقي للعصير اللي يكون جمب الحلوى بتاعتنا
طبعا إحنا عندنا جمب الطبق ده
 عصير فراولة
طبعا إحنا محتاجين فراوله/حليب/سكر
اول حاجه نحط الفراوله في الخلاط ونحط الحليب فوقه والسكر وبعدين نشغل الخلاط شويه
وبعدين نصبه في الكاسات وممكن نزينه بشويه كريم شانتيه
وبالهنا والشفا
ودي صور توضح ليكم العصير
سؤال حلقه اليوم
ماهي خطوات عمل المهلبيه أو الكاستر؟
منتظره إستفساراتكم في صفحه التواصل
أتمني ان يكون طبق اليوم نال إعجابكم ولكم مني أجمل التحيه
أحبكم في الله
__________________
تركت الجامعه من اجل نقابي فعوضني الله حفظ كتابه وطلب العلم الشرعي وصحبه صالحه واعتمرت وحجيت في عام واحد احمدك يارب على نعمك العظيمه اللهم فاإرزقني الخامسه يارب العالمين عاجلا غير آجل قولوا آمين الله يرحمك ياعمر ويسكنك فسيح جنته يارب يارب ارزقني عاجلا زوجا صالح مصلح تقي نقي مخموم القلب ممن ترضاه يارب لي من الرجال صوام قوام ياخذ بيدي الى الجنان
|