ازيكم يااحلى بنات بجد انتم بقيتم تشجعوني اني احط ليكم الوصفات
ربنا يجزاكم يارب الفردوس الاعلى
النهارده ان شاء الله معانا طبق جديد
النهارده معانا
 طبق المسقعه
يارب تعجبكم ويعجبكم طريقتي
تعالوا مع بعض نتعرف على مكونات طبقنا
المقادير
باذنجان
فلفل اخضر
لحم مفرومه
عصير طماطم
البهارات(ملح-فلفل اسود-كمون)
تعالوا بقي نشوف هنعمل الطبق ازاي
الطريقه
اول حاجه نقطع الباذنجان ونغسله كويس ونحط عليه شويه ملح ونركنه شويه على جنب
اول حاجه نعمل اللحمه المفرومه نحطها على النار ونضيف عليها بصله و ملح و فلفل و كوب ماء على النار حوالي ساعه لغايه لما تستوي
بعد كده نيجي للباذنجان ونحمره على النار ونحمر الفلفل كمان
كده يبقي عندنا كل حاجه جاهزه
في طاجن الفرن نحط صف باذنجان"نص المقدار" ، صف فلفل" الفلفل كله" ، صف لحمه مفرومه
اخر حاجه نحط صف باذنجان و صف لحمه مفرومه
ونحطها في الفرن لغايه لما يتحمر الوجه كويس
وبعدين نقدمها مع العيش
كده يبقي طبقنا خلص النهارده يارب يكون سهل عليكم ونال اعجابكم ورضاكم
تعالوا نشوف واجب حلقتنا النهارده
ماهي خطوات عمل المسقعه؟
اشوفكم حلقه جديده مع طبق جديد
لا تنسوني من خالص دعواتكم الجميله
احبكم في الله جميعا
وانتظر استفساراتكم في صفحه التواصل
__________________
تركت الجامعه من اجل نقابي فعوضني الله حفظ كتابه وطلب العلم الشرعي وصحبه صالحه واعتمرت وحجيت في عام واحد احمدك يارب على نعمك العظيمه اللهم فاإرزقني الخامسه يارب العالمين عاجلا غير آجل قولوا آمين الله يرحمك ياعمر ويسكنك فسيح جنته يارب يارب ارزقني عاجلا زوجا صالح مصلح تقي نقي مخموم القلب ممن ترضاه يارب لي من الرجال صوام قوام ياخذ بيدي الى الجنان
|