[أحلام مفقودة]

ازيكم ياحلى بنات في الدنيا
رجعت ليكم تاني ووحشتوني مووووووت
رجعنا مع بعض تاني لنكمل موضوعنا الحلو
النهارده عندنا طبق مافيش اسهل ولا أحلى ولا أحب منه
النهاده عندنا

مكرونه


دي بقي الاكله اللي بمووووووت فيها وبحب اعملها اوي
تعالوا نشوف عايزين ايه علشان نعملها

مقاديرها
كيس مكرونه
طماطم
بهارات
زيت
تعالوا بقي هنشوف هنعملها ازاي

الطريقه
اول حاجه نجيب حله(قدر)ونحط فيه ماء ونحطه على النار لغايه لما الماء يغلي بعد ما الماء يغلي نجيب ملعقه زيت وملعقه ملح ونحطها في الماء ونقلب
بعد كده نجيب كيس المكرونه
ونحطها في الماء ونقلب لغايه لما تستوي

بعد كده نجيب مصفي ونحطها في الحوض ونسمي الله
ونصفي المكرونه من الماء
ونصب المكرونه في المصفي
وما نحطش على المكرونه ماء خالص
نفتح الماء بعيد عن المصفي


بعد كده نبدا بقي في تجهيز الصلصه
نجيب 5طماطمات ونحطهم في الخلاط
ونعصرهم كويس
وبعد كده نصفيهم في المصفي




نجيب حله(قدر)ونحطه على النار ونحط فيه 4ملاعق زيت لغايه لما يحمي شويه وبعد كده نحط الطماطم لغايه لما تتسبك (الماء يتبخر خالص)
بعد كده نحط البهارات
2ملعقه صغيره ملح وشويه فلفل اسود
ونقلبهم في الطماطم



بعد كده نحط حبه حبه مكرونه ونقلب زي اللي في الصور
بعد كده لما تخلص نغطي عليها ونسيبها على النار 10دقائق
وتكون النار هادئه خالص
وكده يكون طبقنا خلص النهارده





يارب يكون سهل وعجبكم ياحلوين
تعالوا بقى نشوف الواجب

ماهي خطوات عمل المكرونه

مستنيه استفساراتكم وارائكم في صفحه التواصل
بحبكم موووووووووت
فاصل ونواصل ياحلى بنات
لا تنسوا الصلاه على رسول الله