ازيكم يابنات عاملين ايه
وحشتوني والله خااااااااااااالص
انا عارفه اني رغايه معلش استحملوني
ياله بقي نسيب الكلام ده وندخل في المهم
امبارح وانا قاعده كده
جه في دماغي اقول اعمل حاجه للبيت فقمت دخلت المطبخ
ادور على دفتر المقادير مالقتهوش
قمت جايبه الحاجات وقعدت احط حاجات وطلعت معايا حته صنيه روعه
حتي قمت عملت وحده تانيه للنهارده
فقلت لازم اقول ليكم الطريقه علشان تتعلموا انتم كمان
طب مش تعرفوا هيا ايه الاول
هيا ياحلوين كانت صنيه
بسيمه
تعالوا بقي نشوف مقاديرها
3بيضات
رشه فانليا
كوب سكر
2/1كوب زيت
2/1كوب حليب
كوب دقيق
كوب جوز هند
2ملعقه صغيره بيكنج بودر
تعالوا بقي نشوف هنعمل المقادير ازاي
سهله خالص
نسخن الفرن ونجيب المضرب ونحط فيه بيضه بيضه ونضرب ونحط عليهم رشه الفانليا وبعدين نضرب شويه وبعد كده نحط السكر ونضرب ونحط الزيت ونضرب شويتين لغايه لما يبقي كريمي كده
بعد كده نحط الحليب ونضرب ونحط جوز الهند ونضرب شويه كمان
بعد كده نجيب الدقيق ونخلطه بالبيكنج بودر
وبعدين نحط حبه حبه على المقدار ونضربهم في بعض لغايه لما نخلصه خالص
بعد كده نجيب صنيه وندهنها بالزيت والدقيق ونحط فيه المقدار ده
ودي صورتها قبل ماتدخل الفرن
نحطها في الفرن من 20 الى 25
ودي شكلها اهي بعد ما طلعت من الفرن
طبعا نكون مجهزين العقد(الشيره)اول ماتطلع من الفرن نرش عليها وممكن حبه جوز هند على الوش ونغطيها علشان تفضل طريه
بس كده خلاص
خلصنا طبق النهارده
مافيش اسهل منه صح
سؤال واجبنا بقي
مش هقولك الفي طريقه جديده لا
ماهي خطوات عمل صنيه البسيمه؟
لو حد عنده طريقه جديده يكتبها لينا في صفحه التواصل
علشان نستفيد ياحلوين
بحبكم في الله
ولا تنسوني من خالص دعواتكم
__________________
تركت الجامعه من اجل نقابي فعوضني الله حفظ كتابه وطلب العلم الشرعي وصحبه صالحه واعتمرت وحجيت في عام واحد احمدك يارب على نعمك العظيمه اللهم فاإرزقني الخامسه يارب العالمين عاجلا غير آجل قولوا آمين الله يرحمك ياعمر ويسكنك فسيح جنته يارب يارب ارزقني عاجلا زوجا صالح مصلح تقي نقي مخموم القلب ممن ترضاه يارب لي من الرجال صوام قوام ياخذ بيدي الى الجنان
|