اقتباس:
المشاركة الأصلية كتبت بواسطة المجاهد فى سبيل الله
مين قالك انى ضد مبارك يا حسام
انا ضد الفساد و الظلم الواقع علينا كا شعب كل يوم
انا ضد الاستعباد
ضد التفرقه و الوساطه و الرشوى
و برضه انت حكمك استنتجته بناءا على ايه ؟
ليه خليت الراجل عميل و خاين
انت من بلدك ماغلقتش المعابر فى وش اخوانك الغزويين؟
انت فى بلدك مش منها اذن ضرب غزة ؟
انت مش من بلدك بتصدر غاز لاسرائيل و بتساعدها؟
انت مش من بلدك بتنشر الفكر الصهيونى؟
انت مش من بلدك اعترفت رسميا باسرائيل؟
انت مش من بلدك ساعدت امريكا فى دخول العراق بسكوتك على الاقل؟
انت من بلدك انت من بلدك كتير اوى
الاعلام بقى صهيونى
و الزراء بقوا بيتعينوا بناءا على رغبت اسرائيل و امريكا
انت وانت وانت
طبعا انت دى مش بتعود عليك لواحدك
لا
احنا كلنا غلطانين و نتحمل الغلط دا قدام رب العالمين
وربنا يستر فى السؤال دا
والله الواحد مكسوف
واحنا بنتهم واحد انه عميل ما كلنا عملاء وكلنا خونه وكلنا بعنا مصرنا وكلنا بعنا اخونا فى فلسطين وكلنا بعنا الاسلام ذات نفسه |
مع احترامي لحضرتك فلسطين أهلها هما اللي باعوها قبلنا ده لو احنا بعناها فعلا .. فلسطين يا عزيزي راح ضحيتها ربع مليون شاب مصري هناك فلسطينيين الآن يعملون لدى اسرائيل في بناء مستوطنات في فلسطين وبإمكاانك رؤية ذلك في تقرير مسجل لقناة الجزيرة على موقع يوتيوب
طبعا انا لا اقصد بكلامي كل الفلسطينيين
ولكن
متحملش مصر ذنب فلسطين لانها شايلاه بقالها كتير
وبصراحه مدخلهاش ومش هيدخل لها خير منه لان الفلسطينيين اتفقوا ان لا يتفقو
مبارك مش رئيس فلسطين ده رئيس مصر يبقى يأكل شعبه الاول وبعد كده يفتح المعابر للفلسطينيين
الفلسطينيين اللي هدموا المعبر بلا إذن ودخلو بنقود مزورة وهربو الى الصعيد
هل يستطيعو فعل ذلك مع معبر ابو سالم الاسرائيلي والله كلا لانهم يعلمون انهم لو فعلوها لدكتهم اسرائيل دكا
ولكن مصر هي ملطشتهم فلا يبالون بها . طبعا ليس الكل
بالنسبة لاذن ضرب غزة اللي طلع من القاهره الموضوع كان مجهز من قبل والجيش جهز واتصرف عليه تريليونات كان هيعمل ايه مبارك يعني لليفني مش معقول هيمسك لها مطوة ويقول لها انا مش موافق ( اذا كان مجلس الامن نفسه وافق) وهاتلي رئيس عربي فتح بقه ساعتها ومننساش ان مبادرته هي اللي وقفت الحرب ووقفت حرب كمان في شهر يناير الماضي ولازم تعرف ان كل ده جه على دماغنا وعلى حساب بلدنا ومواردنا الضئيلة ليه مبتطلبش من محمود عباس يتحرك ويكون جيش بدل الشعارات الفارغة .. أين هو جيش فلسطين يا عزيزي .. ارحموا مصر
ليس معنى ذلك ان نتخلى عن قضية فلسطين
لا
ولكننا لسنا عرب وحدنا لكي يضع العرب كل بلتهم علينا
أين الدول التي لديها معابر مع فلسطين ولم تفتحها منذ عشرات السنين أين سوريا والأردن والجزائر الذين يمطروننا بالاهانات
ونحن نساعدهم و نبغض مصر .