بيفر عمرك شعر/ سمير الأمير
إلى خالد عبد المنعم وعبد الدايم الشازلى وفتحى عامر وأسامة الديناصورى
؟متى يتوقف هذا الرحيل المفاجىء..
يا ترى تلحق تقول إنك حزين
وإن الفرح طول عمره كان احتمال
أو مجرد خيال لابس سراب الوهم
للعالم المرعب دراعات إخطبوط
إن الحياه ممكن تكون شبه الحياه
بيفر عمرك يمّها..فيفر عمرك منها
يخلط عجين الحكمه بتراب العبط
زى اللى عاضض على قلبه وماشى يغنى
بيفر عمرك...حيفر عمرك فين؟
فى بين البين ..مافيش إختيار
زى اللى واقع ف بير مسحور مالوهش قرار
حتى ف عز الموت والسيف على رقبتك