هى ايه الردة الاجتماعية دى هو فيه لسة حد بيسال عمل المراة ؟ طبعا ياحبيبتى ضرورة ملحة وملحة جدا كمان اسالى العرسان اللى بينشن عليها دلوقتى موظفة وكمان بيسال عن المرتب ومش هو وبس ده اتجاه من اسر كثير جدا جدا انها تجوز ولادها بالموظفة تساعده وتكافح معاه خصوصا فى الفئات متدنية الدخل زى المدرسين والموظفين الغلابة وعلى فكرة هو فعلا بيحقق لها استقلالية مادية وامان شخصى فى ظل وجود فئة جامدة من الرجالة لاتعرف المسئولية ولاتستطيع تحملها بس بياخد منها حاجة مهمة جدا انا لاحظتها عارفة ايه ؟ انوثتها انا بحس اننا بقينا زى الرجالة بنبص للرجالة عادى ونكلمهم وبيعاملونا بندية وحقى وحقك وده طبعا بينعكس على طريقتها مع جوزها بس فيه حاجة مهمة جدا جدا ممكن تظبط الموضوع ده اننا نعامل زمايلنا بطريقة شرعية مفيهاش اختلاط جامد وضحك وهزار وندية لان الطريقة دى هى اللى بتهتك حياء البنت وانوثتها بس مفيش شك ان الست اضافت كتير ف مجال العمل وايضا اضاف لها كثيرا احساس بالذات وقدر كبير من المسئولية انها تقدر توفق بين اداءها ف بيتها وعملها كمان الست اللى بتشتغل جوزها مش بتبقى حاطة جوزها ف دماغها زى اللى قاعدة ف البيت وخانقاه ومحددة اقامته وحركته والاسئلة البايخة اياها رحت فين؟ بتكلم مين ؟ تاكل ايه النهاردة ؟ وكمان بتبقى على علم اكتر بمجريات الدنيا بحكم احتكاكها بالناس وتقدر تتفاهم مع جوزها مش زى ست البيت كمان بتبقى خفيفة قصدى ف الوزن يعنى لانها بتشتغل وتمشى وتروح وتيجى ميزات كتير جداااااااااااااا للرجل انه يتجوز ست عاملة صدقينى لو خدو بالهم منها هما اللى هيطالبو بعمل الست ههههههههههههههههههههههههههه
|