بسم الله الرحمن الرحيم
أولا شكرا ع الموضوع
ثانيا بالنسبة للمضمون
من حيث كون صدام طاغية أم لا
أنا عن نفسي شايف انه كان ليه حسناته زي ما كان ليه سيئاته
و احنا المفروض منتكلمش ف الموضوع ده كتير
ليه؟؟
لأن حتى ولو كان طاغية طب و ايش دخل امريكا ف الموضوع
ما شعبه يتصرف معاه
أو حتى الدول العربية تتصرف معاه باعتبارهم "المفروض" وحدة واحدة
لكن مال أهل عم بوش بالموضوع
القصد ان البيت بيت ابونا والغرب بيطردونا
ثانيا من حيث كونه شهيد فالله أعلم
ولو كان شهيد فدرجات الشهادة كتير و ربنا يحسن خواتيمنا جميعا
ثالثا توقيت تنفيذ الحكم زي م الكل قال
ده استهزاء و سفالة و قلة أدب
أنه ييجي كده في أول ايام أعياد المسلمين
رابعا طبعا مفيش دول عربية مترابطة
هم فين دول
و بالنسبة لردود الأفعال ليبيا رد فعلها كان مقبول شوية عن اعلان الحداد بسس طبعا ده لا يودي ولا يجيب
أما عمنا حسني و جدنا فهد دول بقه حكايتهم حكاية
مصر و السعودية تشجبان "
توقيت" تنفيذ الحكم
يعني مش بيشجبوا حكم الأعدام نفسه بسلامتهم
لا دول بيشجبوا التوقيت
يعني لو كان اتنفذ في أي توقيت تاني يبقى ع العين و ع الراس
( اللى اختشوا ماتوا )
شوية تعليقات بس
محدش اتكلم على الأعدام "شنقا"
يا جماعة ده قائد عسكري يعني اعدامه المفروض رميا بالرصاص حتى
يعني هما همهم الاعدام لكن بانهي وسيلة قانونية أو عرفية مش مهم
يا جماعة السفالة الكبرى جدا جدا هي تصوير لحظات الأعدام
دي ماتحصلش ابدا
لا و كمان يصوروا الجثة
تصوير الجثة 
دي قلة أدب علنية
بس ف الآخر احنا مش بيدنا حاجة غير ان احنا نقول
(حسبنا الله و نعم الوكيل)
في الطغاة الحقيقيين و في رؤساء الأمة العربية (سابقا) التورتة العربية (حاليا)
__________________
النفس تبكي على الدنيا وقد علمت *** أن السعــادة فـيها تـرك ما فيهـا
لا دار للمرء بعد المــوت يسكنهـا *** الا التــي كان قبل المـوت بانيها
فـإن بنـــاها بخيـر طـاب مسكنـــه *** وإن بناهــــا بشـر خـاب بانيهـــا
أمـــوالنا لذوي الميراث نجمـعــها *** وبيـوتـنـا لخــراب الدهر نبنيــهـا