<div align="center">والله يا بنتي الثانوية دي ما حاجا اصلا

دي لعب عيال لعب عيال لعب عيال

لولا بس الرأي العام والأهالي بيدوها الحجم دا كلو كان زمان الناس بتجيب مجاميع كويسة

وبرضو عيبها انها بتيجي في سنة مراهقة برضو وفي عصر ناو ترفيه في كل حاجا تقريبا متوفرة لاضاعه الوقت

بس

ونداء لكل من كانوا في ثانوية عامة ادعوا معايا ربنا يرجعها ايام

كلوا فكر انه هيدخل الكلية مجهوده يمكن يكون زي الثانوية لا دا طلع المفروض 3 اضعاف

انا ورايا امتحانات بترف كل يوم بالكوم لدرجة اني بقول ليه انا جبت مجموع صيدلة

وتقريبا انا في كلية معقدة وتعتبر من اصعب كليات الصيدلة في مصر مش لاني فيها بجد انا بقارن في زمايلي في كل حته احنا بنطحن في الكم بتاع المنهج وفي معاد بدأ التيرم

يعني صحابي كلهم تيرمهم يوم التلات

احنا بدأنا من قبل العيد وخلصنا مادتين

عندي يوم الاتنين BotAnY


نبات ربنا يسترها بجد لانها مادة غبيه قوي في النظري اما في العملي جميلة قوي قوي

ونيجي بأى للي بعديها فيزيكال كميستري

دي نص الدفعة هتاخدها معاها :D وشكلنا هنكون اول ناس تشوفها فيها كينيتكس وثيرموديناميكس والحرارة وحاجات رهيبة قوي عمركم ولا عمركم هتسمعوا عنها الا لما تخطو برجليكوا اليمين كليات الصيدلة

( أنا طالب صيدلي .... حالي ماثل امامكم ... تبرعوا ولو بجنيه .... ولو مش معاك الجنيه اتبرع باللي تقدر عليه )

دا شعارنا انا وكلكول هههههههههههههههههههههه :D </div>