[أم عمار قائد الأحرار]

فرق كبيــــــــــر بين واحد عايز يتغير بجد



و واحد عايز يتغير ... بس مش عايز !!!!!



إزاي عايز و مش عايز في نفس الوقت ؟؟؟



ما هو لما تقول بلسانك : أنا عايز أتوب ..



و أفعالك بتقول : عكس كده ..



يبقى إنت مش عايز تتوب ولا حاجة ..





أحمد ديدات لما قال أنا عايز أتغير ..



اتحرك ..



و سافر ..



و اتعلم ...






و اتغير ..




وأنا تعمدت أجيب قصة واحد معاصر ..

عشان محدش يقول ده صحابي و منقدرش نعمل زيه ...


ده واحد كان زيه زيي و زيك ..

بل يمكن ظروفه كانت أقل من ظروف كتير مننا

و لكن بالاستعانة بالله ..

بقى أحمد ديدات









الطالب لما بيبقى (بجد) عايز ينجح ...

بيذاكر عشان ينجح

و لو لقى حاجة مش فاهمها ...

بيقلب الدنيا و يسأل طوب الأرض ..

لحد ما يفهمها





طيب .. إنت .. ليه مش عايز تتوب ؟؟



ليه لحد دلوقت واقف في مرحلة معينة و مش عارف تتقدم في الطريق لربنا ؟؟



أكيد في مشكلة ..





لو إنت عايز بجد تتوب و تتغير .. مش هتسكت ..

هتدور على أي حد يدلك على حل مشكلتك ..





و عشان كده عملنا الدورات دي ..



عشان احنا كلنا نساعد بعض في البحث عن حلول مشاكلنا مع التوبة



لأننا ....





عايزين نتغير ...







في الدورة دي إن شاء الله..

هنتكلم مع بعض .. عن أول مشكلة ممكن تواجهنا في طريق التوبة

مشكلة إننا مش عايزين نتوب (بجد)


هنتكلم عن الحاجات اللي بتخلينا معندناش رغبة قوية حقيقية في التوبة

و بالتالي توبتنا بتبقى فاترة .. و ضعيفة .. و بنرجع بعدها زي ماكنا .. أو أكتر



و هنحاول بإذن الله .. نضع حلول (عملية) من واقع تجاربنا إحنا ..
عشان نتخلص من المشاكل دي



في انتظار تعليقاتكم و آراءكم


جزاكم الله خيرا