انا مش عارف انت زعلانه ليه؟
في إيه يابنتي؟
مالك انت والست اللي كتبت المقال ده ؟
إيه الكره والحقد اللي قلبك انت وهي ده كله؟
ارحموا شويه بقى ....
وبعدين هو الراجل مش من حقه يصرف القرشين ........ آسف آسف آسف .... قصدي الكام مليار اللي طلعوله من قعدته عل قلوبنا 30 سنة لحد ما خلاص خلل وجاتله المراره؟
المصريين ديما كده
الكحكة في أيد الريس عجبه !
وبعدين انتوا فاهمين الموضوع غلط أصلا يعني.
الريس راح ألمانيا بتاعت أوربا غلط
هو كان واخد القطر لحد المنيا بتاعت الصعيد, كنوع من تشجيع العلاج في الصعيد وكده يعني, وفجأه والقطر ماشي على السكة ....
خرج عن الشريط.....
وفجأه تانيه غير الأولانيه .... الريس لقى نفسه في ألمانيا بتاعت أوروبا....
يرجع بقى بنفس القطر على المنيا بتاعت الصعيد علشان المرادي يلقى نفسه في زحل وللا المريخ؟؟؟
وميلحقش يعمل العملية .... ويموت بقى ....
والبلد تفضل تعيط وتعيط وتعيط.....
مش عليه طبعا, أوعى حد يفهم غلط.
على القطر
ما احنا مش كل شوية نلاقي قطر ولع وللا خبط في قطر تاني ونلاقي نفسنا عايزين نشتري غيره.
هو احنا قاعدين على بنك وللا إيه؟!!!
وبعدين لو كل مرة بنلاقي جثة للقطر وبنقوم رشنها بويه ونقول قطر جديد, فالمرادي مش هنلاقي قطر خالص... ما هو مين ده اللى هيجيبه من المريخ مثلا يعني مثلا...
وبعدين بالنسبة لبنت جمال
فانا عرفت ان اسمها فريده...
فلازم تكون فريده من نوعها
حاجه كده زي ما تقولي أفريكي على آروبي.
وبقلاش حقد ياناس .... بلاش غلّ بقى وحاجات من الوحشة دي.
بقول إيه...
لو ملقتنيش تاني في المنتدى ده
اعملي فيا ثواب وابعتيلي عيش وحلاوة.
على هنــــــــاك