اقتباس:
المشاركة الأصلية كتبت بواسطة د/ نـــ غ ـــم
ممكن أعرف ايه سبب النظرة دى ياعنى ؟
نفسى أفهم الناس ليه واخده فكرة غلط عنه
بالعكس بقى انا شايفاه أقل خطر بكتير م المنتديات
ومش حاسه ان فيه حاجه غلط ياعنى
لو استخدمناه الاستخدام اللى هو معمول علشانه
ياعنى انا الى حد ما مدمنه فيس
بس ماحستش مرة ان بسبه هعمل حاجه غلط
بغض النظر عن طلبات الصداقه العجيبه اللى بتيجى بس بدام انت مابتقبلش خلاص ماحدش ليه دعوة بيك
شكرا ع التوبيك يا بسمه
اعملوا حسابى بقى انا كمان ف موضوع هبقى انزله انا كمان ان شاء الله تريقه ع الفايس
ياعنى هى جات عليا
|
لا يا نغومة احنا مش عوزين تريقة احنا عوزين نتبع نهج اختنا الجميلة تسابيح يعنى نشوف حاجة سلبية ونحاول نصلحها وانت اكيد ممكن تكونى شوفت حاجة على الفيس ضايقتك وحبة تعلقي عليها ونحاول نفكر سوا ان شاء الله بانتظار موضوعك
تعليقا على ردك الرائع جدا
انتى اكيد ولاد عمتك دول كنتى عمللهم list as your cousin
او بغض النظر المهم انك حذفتيهم دلوقت وخلاص
بس يا نغومة كنت عوزة اسالك عن حاجة انتى قولتى ان اكتر حاجة بتضايق طلبات الاضافة العجيبة هل ياتري المشترك على الفيس بوك ممكن يعمل حاجة تمنع وصول الطلبات دي؟ هل ممكن توصل رسائل من اى مشترك على الفيس شاب اوبنت الى مشترك حتى لو مش ضايفه؟ هل لو في احد صديقاتك ضيفة شباب ممكن الشباب دول يدخلوا على البروفيل بتاعك؟
بيتهيالي ان اجابات الاسئلة دي لو موجودة ناس كتير ممكن تغير نظرتها عن الموقع ده
سؤال كمان يا نغومة معلش ايه رايك في البنات صحباتك الى عندهم شباب؟
الف شكر على مرورك وردك الجميل
جزاكى الله عنى الف خير