[الأستاذة ام فيصل]

المشاركة الأصلية كتبت بواسطة أنت___عمري

أطير وكل ما أقرب اشوف
نجمتين على شط القمر دايبين
والقمر شاهد هواهم فارد الدراعين
اشوف
انهزام الخوف على شط الأمان
والحنان بستان محبة
والأحبة وردتين
والفراشات اتلونت في عنيا تاني
بعد ما لونهم أخد من لون زماني
أشوف
كل لما اقرب كل حاجة شايفها وردي
كل لما اقرب من العيون دي
القى كل الحلم عندي
كل حاجة شايفها وردي
واحس واسكن في الدفا
ويغطي بردي
كل حاجة شايفها وردي
واطير
لحد ما اوصل للقمر
يااااه ع القمر
آه يا حلاوته
يدوب اشوفه والمسه القى غلاوته
يااااه ع القمر
آه يا حلاوته
اقوله ينفع أحضنك
يبصلي يحمر خده
أحضنه تضحك شقاوته
يااااه ع القمر
آه من حلاوته
هو دا عشقي الأكيد
هو دا حبي الوليد
من النهاردة هسكنه
وأعيش حكايته
ياااه ع القمر
آه من حلاوته

الله الله الله

كلمات رائعه كلها رومانسيه وحب
هو القمر جميل للدرجه ديه

هو دا عشقي الأكيد
هو دا حبي الوليد
من النهاردة هسكنه
وأعيش حكايته
ياااه ع القمر
آه من حلاوته
ح نطلع نسكنه ونشوف حلاوته
تسلم الايادي ياعاشق القمر
ربنا مايحرمنا من كتابتك الجميله
ومن ابداعك